ગુજરાત ગૌણ સેવા પસંદગી મંડળ દ્વારા લેવાનારી પરીક્ષા મોકૂફ રાખવામાં આવી છે. આગામી તારીખ 25 થી 30 મી સુધી લેવામાં આવનારી ખાતાકીય પરીક્ષા મુલતવી રહી છે. ઉલ્લેખનીય છે કે હવે નવી તારીખ નક્કી થયા બાદ મંડળની વેબસાઈટ પર જાહેર કરવામાં આવશે.

ગૌણ સેવા પસંદગી મંડળની જાહેરાત

આગામી સપ્ટેમ્બર મહિનાની 25 થી 30 સપ્ટેમ્બર સુધી લેવામાં આવનારી પરીક્ષા મોકૂફ રાખવાની જાહેરાત ગૌણ સેવા પસંદગી મંડળ દ્વારા કરવામાં આવી છે. નવી તારીખ નક્કી થયા બાદ મંડળની વેબસાઈટ પર આગામી સમયમાં જાહેર કરવામાં આવશે.

આ કારણોસર રાખવામાં આવી મોકૂફ

ગૌણ સેવા પસંદગી મંડળ દ્વારા લેવામાં આવનાર લોઅર લેવલ સંવર્ગની ખાતાકીય પરીક્ષા વહીવટી કારણોસર હાલ પૂરતી મોકૂફ રાખવામાં આવી છે. મંડળ દ્વારા નવી તારીખ નક્કી થયેથી ખાતાકીય પરીક્ષા કાર્યક્રમ મંડળની વેબસાઈટ પર જાહેર કરવામાં આવશે.