અમિતાભ બચ્ચને મુંબઈમાં કરોડોની સંપત્તિ ખરીદી છે. બોલિવુડના શહેનશાહ અમિતાભ બચ્ચન આ દિવસોમાં તેમની આગામી ફિલ્મ 'કલ્કી 2898 એડી'ને લઈને ચર્ચામાં છે. ફિલ્મ રિલિઝ પહેલા બચ્ચને મુંબઈમાં એક નહીં પરંતુ ત્રણ કોમર્શિયલ પ્રોપર્ટી ખરીદી છે જેની કિંમત 60 કરોડ રૂપિયા છે અને આ પ્રોપર્ટી 20 જૂન 2024ના રોજ જ રજીસ્ટર કરવામાં આવી છે. અમિતાભ બચ્ચને અંદાજે રૂ. 60 કરોડમાં 8,429 ચોરસ ફૂટની ત્રણ ઓફિસ સ્પેસ ખરીદી છે. આ ત્રણ મિલકતો વીરા દેસાઈ રોડ, અંધેરી વેસ્ટ, મુંબઈ પર સિગ્નેચર બિલ્ડિંગમાં છે. તેમાં ત્રણ કાર પાર્કિંગનો પણ સમાવેશ થાય છે.અમિતાભ બચ્ચને વીર સાવરકર પ્રોજેક્ટ્સ પ્રાઈવેટ લિમિટેડ પાસેથી 31,498 રૂપિયા પ્રતિ ચોરસ ફૂટના ભાવે કુલ 4,894 ચોરસ ફૂટની જગ્યા ખરીદી છે. આ માટે તેમણે રૂ.3.57 કરોડની સ્ટેમ્પ ડ્યુટી પણ ચૂકવી છે. આ પહેલા પણ 2023માં અમિતાભ બચ્ચને 29 કરોડમાં ચાર સંપત્તિ ખરીદી હતી.બીગબી પાસે અગણિત સંપત્તિ છે ટર્મ છતાં તે ખરીદી કરી જ રહ્યા છે. હજુ તો તેમના પુત્ર અભિષેક એ 15 કરોડની પ્રોપર્ટી ખરીદી હોવાનું સામે આવ્યું છે ત્યાં વળી તેનાથી આગળ નીકળી જવાની હોડ હોય તેમ પિતા એ ચાર ગણી વધુ રકમ ની મિલકત ખરીદી છે,

અભિષેક બચ્ચને 6 એપાર્ટમેન્ટ ખરીદ્યા હતા
અમિતાભ બચ્ચનના પુત્ર અભિષેક બચ્ચને 6 એપાર્ટમેન્ટ ખરીદ્યાના સમાચાર આવ્યા હતા. અભિષેકે મુંબઈના બોરીવલીમાં ઓબેરોય રિયલ્ટીના ઓબેરોય સ્કાય સિટી પ્રોજેક્ટમાં 6 એપાર્ટમેન્ટ ખરીદ્યા હતા. તેની કિંમત 15.42 કરોડ રૂપિયા હોવાનું કહેવાય છે.