ખંભાળિયા તાલુકાના આહિર સિંહણ ગામે બિરાજમાન શ્રી ક્ષત્રીય સંઘાર સમાજના ઇષ્ટદેવ શ્રી સંઘાયડા વાળા જખ્ખડાડાનાં પવિત્ર પટાંગણમાં દર વર્ષની જેમ આ વર્ષે પણ ભાદરવા સુદ ત્રીજના પ્રથમ સોમવારે જખ્ખડાડાની પહેડી મહોત્સવનું સૌરાષ્ટ્ર કચ્છ વાગડ અને જખ્ખ બૌતેરા પહેડી સિમિત દ્વારા સુંદર અને ધાર્મિક આયોજન કરવામાં આવ્યું છે.

આ કાર્યક્રમમાં સોમવાર તા. 18 ના રોજ સવારે સાડા દસ વાગ્યે મહાઆરતી, બપોરે 11 વાગ્યે ધ્વજારોહણ અને સાડા બાર વાગ્યે સમૂહ ભોજનનો કાર્યક્રમ યોજવામાં આવ્યો છે. આ આયોજનમાં સહભાગી થવા સર્વે સૌરાષ્ટ્ર કચ્છ વાગડનાં ક્ષત્રીય સંઘાર સમાજના ભાઈઓ-બહેનોને સહ પરિવાર ઉપસ્થિત રહેવા આયોજકો દ્વારા અપીલ કરવામાં આવી છે. આ માટે જખ્ખ બૌતેરા પહેડી સમિતિના જેસંગભાઈ સંઘાર, ઉપેન્દ્રભાઈ સંઘાર તથા કેશુભાઈ સંઘાર, વિગેરે દ્વારા જહેમત ઉઠાવવામાં આવી રહી છે.