જામનગર તાલુકાના અલીયા અને સુર્યપરા ગામે ૧૪.૫૦ કરોડના કામોનું લોકાર્પણ-ખાતમુહુર્ત કરતા કૃષિમંત્રી રાઘવજીભાઈ પટેલ 

અલીયા- ચાવડા ગામથી સ્ટેટ હાઈવે સુધીના રોડ પર રૂ.૭ કરોડના ખર્ચે રીસર્ફેસિંગ અને અલીયા ગામે રૂ.૫ કરોડના ખર્ચે નિર્માણ પામેલ મેજરબ્રિજનું લોકાર્પણ કરાયું : સુર્યપરા ગામે રૂ.૨.૫ કરોડના ખર્ચે નિર્માણ પામશે માઈનોર બ્રિજ 

મંત્રીએ વધુમાં જણાવ્યું હતું કે, સરકાર ખેડૂતોને મદદરૂપ થવા માટે હંમેશા તત્પર છે. હાલ ટેકાના ભાવે પાકોની ખરીદી થઇ રહી છે તેના થકી ખેડૂતમિત્રોને પાકના સારા ભાવો મળતા આર્થિક મદદ મળી છે. સૌની યોજના હેઠળ નદીનાળાઓમાં પાણી છોડવામાં આવતા ખેડૂતોને બે સીઝનના પાકો લેવાનો લાભ મળી રહ્યો છે. ગામડાઓમાં પણ રોડ,રસ્તા, બ્રીજ, વગેરે જેવા કામો થતા નાગરિકોની સુખાકારીમાં વધારો થયો છે. 

ઉલ્લેખનીય છે કે, અલીયા ખાતે મુખ્યમંત્રી ગ્રામ સડક યોજના હેઠળ રૂ.૫ કરોડના ખર્ચે ૧૨ મીટરના ૧૩ ગાળાનો મેજરબ્રીજ તથા અલીયા ચાવડાથી સ્ટેટ હાઈવે સુધી કિશાનપથ યોજના હેઠળ ૧૦.૫૦કી.મી.ના રસ્તા પર રૂ.૭ કરોડના ખર્ચે રીસરફેસિંગની કામગીરી કરવામાં આવી છે. જેના થકી અલીયા, ચાવડા તથા આજુબાજુના ગામના રહેવાસીઓ અને ખેડૂતોને ફાયદો થશે.