અજાણ્યા શખ્સ વિરુદ્ધ પોલીસ ફરિયાદ

જામનગર નજીક દરેડમાં રહેતા શ્રમિક પરિવારની ૧૪ વર્ષિય પુત્રી તેણીના ઘેરથી એકાએક ગાયબ થઈ હતી, અને તેણી નું અપહરણ થઈ ગયું હોવાની ફરિયાદ પંચકોશી બી. ડિવિઝન પોલીસ મથકમાં નોંધાવાઈ છે. પોલીસે અજાણ્યા શખ્સ સામે અપહરણનો ગુન્હો નોંધી તેની શોધખોળ હાથ ધરી છે.

મૂળ ઉત્તર પ્રદેશના વતની અને જામનગર નજીક દરેડ વિસ્તારમાં ઓરડી ભાડે રાખીને રહેતા અને કારખાનામાં મજૂરી કામ કરતા પરપ્રાંતિય શ્રમિક પરિવારની ૧૪ વર્ષ અને ત્રણ મહિનાની ઉંમરની સગીર વયની પુત્રીનું ગઈકાલે તેણીના ઘેરથી અપહરણ થઈ ગયું હતું.

જેથી આ મામલે પંચકોષી બી. ડિવિઝન પોલીસમાં જાણ કરવામાં આવી હતી, અને પોલીસે અજાણ્યા શખ્સો સામે અપહરણનો ગુન્હો નોંધ્યો છે, અને ગુમ થનાર સગીરાનો પત્તો મેળવવા માટે તપાસ શરૂ કરી છે.