રાજકોટ જેતપુર નેશનલ હાઈવે પર રોજિંદા અનેક નાના-મોટા અકસ્માતના બનાવો બને છે ત્યારે યાત્રાધામ વીરપુર પાસે મોડી રાત્રે એક કાર નું અકસ્માત થયું હતું જેમાં કારચાલકનું ઘટના સ્થળે મોત નીપજ્યું હતું.
રાજકોટ જેતપુર નેશનલ હાઈવે પર વીરપુર નજીક વછરાજ હોટલની સામે મોડી રાત્રે કાર અકસ્માતની ઘટના સામે આવી હતી જેમાં કારચાલક રાજકોટથી જુનાગઢ તરફ કાર લઈને જઈ રહ્યો હતો ત્યારે સ્ટેરીંગ પરથી કાબુ ગુમાવતા પલટી મારીને કાર ડિવાઇડર પર ચડી જવા પામી હતી જેમાં ઘટના સ્થળે કાર ચાલક જુનાગઢનો યુવાન ભાવેશ મોડેદરા (ઉ.વ. ૨૭)નું ઘટના સ્થળે મોત નીપજ્યું હતું અકસ્માતની જાણ થતાં જ વિરપુર પોલીસ સ્ટાફ પહોંચ્યો હતો અને મૃતક ભાવેશના મૃતદેહને વીરપુર સિવિલ હોસ્પિટલ ખાતે ખસેડવામાં આવ્યો હતો. મૃતક ભાવેશ પરણિત હતો તેમને સંતાનમાં બે વર્ષની દીકરી અને પરિવારમાં માતા પિતા અને બે ભાઈમાથી સૌથી નાનો હતો નાની ઉંમરે અકસ્માતમાં મૃત્યુ થતાં પરિવારમા ગમગીની છવાઈ હતી.