સંસદની બહાર એક વ્યક્તિએ પોતાની જાતને આગ લગાવી, ગંભીર હાલતમાં હોસ્પિટલમાં લઈ જવામાં આવ્યો. મામલાની ગંભીરતા જોતા પોલીસ ઘાયલ વ્યક્તિને આરએમએલ હોસ્પિટલ લઈ ગઈ. હાલ પોલીસ આ મામલાની તપાસ કરી રહી છે.

પોલીસના જણાવ્યા અનુસાર, વ્યક્તિએ રેલ ભવન પાસેના પાર્કમાં પોતાની જાતને આગ લગાવી દીધી, ત્યારબાદ તે સંસદ ભવન તરફ ભાગ્યો. લોકોએ આ જોયું કે તરત જ તેમણે દિલ્હી પોલીસને જાણ કરી. પોલીસે ઝડપથી વ્યક્તિને રોક્યો અને તેને ધાબળોથી ઢાંકી દીધો. પોલીસ બાદ ફાયર બ્રિગેડની ટીમ પણ ઘટનાસ્થળે પહોંચી ગઈ છે.

વ્યક્તિએ આવું શા માટે કર્યું તેનું કારણ હજુ સુધી સ્પષ્ટ થયું નથી. ફોરેન્સિક ટીમ તપાસ માટે ઘટનાસ્થળે પહોંચી ગઈ છે... સ્થળ પરથી અડધી બળી ગયેલી 2 પાનાની નોટ મળી આવી છે. અને આ મામલે વધુ તપાસ હાથ ધરી છે.