ક્વિક કોમર્સ કંપનીઓના ઉદયથી સ્થાનિક રિટેલર્સ અને નાના વેપારીઓને ભારે સ્પર્ધાનો સામનો કરવો પડી રહ્યો છે. ઝડપી ડિલિવરી અને આકર્ષક ઓફર્સ સાથે આ કંપનીઓ ગ્રાહકોને આકર્ષી રહી છે. પરંતુ શું સ્થાનિક રિટેલર્સ માટે બધું ખતમ થઈ ગયું છે? જવાબ છે ના. થોડી બુદ્ધિમત્તા અને યોગ્ય વ્યૂહરચનાથી સ્થાનિક રિટેલર્સ પણ આ સ્પર્ધામાં આગળ વધી શકે છે.

All India Spices Importers Federation સેક્રેટરી હિરેન ગાંધીએ જણાવ્યું હતુ કે, ક્વિક કોમર્સ કંપનીઓની સફળતાનું રહસ્ય એ છે કે તેઓ ગ્રાહકોની સુવિધાને પ્રાથમિકતા આપે છે. ગ્રાહકોને ઘર બેઠા ઝડપથી અને સરળતાથી ખરીદી કરવાનું પસંદ છે. સ્થાનિક રિટેલર્સે પણ આ જ વાતને ધ્યાનમાં રાખીને પોતાના વ્યવસાયમાં ફેરફાર કરવાની જરૂર છે. ગ્રાહકોનો મોબાઇલ નંબર, ઇમેઇલ અને સરનામું મેળવીને તેમને વ્યક્તિગત ઓફર્સ આપવા, ઝડપી ડિલિવરી સેવા શરૂ કરવી અને સ્પર્ધાત્મક ભાવો રાખવા જેવા પગલાં ભરીને સ્થાનિક રિટેલર્સ ગ્રાહકોને આકર્ષી શકે છે.

આ ઉપરાંત સ્થાનિક રિટેલર્સે ટેકનોલોજીનો ઉપયોગ કરવાની જરૂર છે. પોસ સોફ્ટવેર, ઓમ્નીચેનલ ઇ-કોમર્સ ક્ષમતાઓ અને અન્ય ટેકનોલોજીનો ઉપયોગ કરીને સ્થાનિક રિટેલર્સ પોતાના વ્યવસાયને વધુ કાર્યક્ષમ અને આધુનિક બનાવી શકે છે. ઓનલાઇન સ્ટોર શરૂ કરીને અને મોટા માર્કેટપ્લેસ સાથે જોડાઈને સ્થાનિક રિટેલર્સ વ્યાપક ગ્રાહકો સુધી પહોંચી શકે છે.

સરવાળે કહીએ તો ક્વિક કોમર્સ કંપનીઓ એ સ્થાનિક રિટેલર્સ માટે એક પડકાર છે પરંતુ એક તક પણ છે. થોડી બુદ્ધિમત્તા અને યોગ્ય વ્યૂહરચનાથી સ્થાનિક રિટેલર્સ પણ આ સ્પર્ધામાં આગળ વધી શકે છે અને પોતાનો વ્યવસાય વધારી શકે છે.

સ્થાનિક બજારને વળગી રહો: 
ગ્રાહકોનો મોબાઇલ નંબર, ઈમેઈલ અને સરનામું મેળવી, વ્યક્તિગત ઑફર્સ અને યાદ અપાવવા માટે POS સોફ્ટવેરનો ઉપયોગ કરો.

તેધિયરી સમયની અંદર ડિલિવરી આપો: 
ફોન અથવા એપ દ્વારા ઓર્ડર બૂક કરી, વધુ રકમના ઓર્ડર પર મફત ડિલિવરી સર્વિસ આપો.

સ્પર્ધાત્મક ભાવમાં ઉત્પાદન આપો: 
બજારમાં હાજર કિંમતોની સરખામણી કરી સ્પર્ધાત્મક કિંમતે વસ્તુઓ પૂરી પાડો.

ખાસ દિવસો પર ઑફર્સ આપો: 
સ્ટેશનરી દુકાન શાળા શરુ થતી હોય ત્યારે વિશેષ ઑફર્સ મોકલી શકે.
    

ફ્રી રિટર્ન આપો: 
પ્રોડક્ટ રિટર્નને સરળ બનાવો અને ઓટોમેટ કરવા માટે ઇ-સ્ટોર બનાવો.

ગુણવત્તા ઉપર ધ્યાન આપો: 
ખાસ અને શ્રેષ્ઠ ગુણવત્તા ઉપર ધ્યાન રાખીને ગ્રાહકોને ભાવવર્ધક અનુભવ આપો.

લોયલ્ટી વધારવા માટે પ્રયત્ન કરો: 
ગ્રાહકોની વિશિષ્ટ માંગ અને ઇચ્છા મુજબ સહાય આપો.
    

તમારો ઓનલાઇન સ્ટોર શરૂ કરો: 
ઓમની ચેનલ ઈ-કોમર્સ સોફ્ટવેરથી તમારો કસ્ટમ સ્ટોર બનાવી શકો છો.
    

ઇ-કોમર્સ પ્લેટફોર્મ સાથે ઈન્ટિગ્રેટ કરો: 
મોટા માર્કેટપ્લેસ સાથે જોડાઈને વ્યાપક ગ્રાહકો સુધી પહોંચવું.

ટ્રેન્ડ્સ સાથે અપડેટ રહો: 
નવું માર્કેટ અને ટેક્નોલોજી સમજીને વ્યવસાય સુધારો.

ગૂગલ માય બિઝનેસ પેજમાં નોંધણી કરો: 
ઓનલાઇન શોધ માટે તમારા બિઝનેસને સારા રેંક માટે ચિહ્નિત કરો.