પોરબંદરના ચોપાટીના પાર્ટી પ્લોટ ખાતે યોજાનાર ભાગવત સપ્તાહના આયોજન અંગે બેઠક યોજાઈ હતી.
પોરબંદરની  ભાગ્યવિજય હિંમતલાલ દવે ચેરીટેબલ ટ્રસ્ટની બેઠક મળી હતી.આ બેઠકમાં સંસ્થા દ્વારા પોરબંદરમાં ચોપાટી ખાતે આવેલ નગરપાલિકાના પાર્ટી પ્લોટમાં નવેમ્બર મહિનામાં યોજાનાર શ્રીમદ્ ભાગવત સપ્તાહ જ્ઞાનયજ્ઞના આયોજનના ભાગરૂપે ચર્ચા કરવામાં આવી તેમજ નવા કારોબારી સભ્યોની સર્વાનુંમતે વરણી કરવામાં આવી. જેમાં નિરવભાઈ દવેના પત્ની  ભાવિષાબેન દવે, બ્રહ્મસમાજના મહિલા અગ્રણી મીતાબેન હેમલભાઈ થાનકી, પોરબંદર રાજપુત સમાજના અગ્રણી   હરપાલસિંહ ચંદ્રસિંહ સરવૈયા,ખારવા સમાજના અગ્રણી  વિશાલભાઈ બાબુલાલ મઢવી, લોહાણા સમાજના યુવા અગ્રણી  સુરજભાઈ રમણીકભાઈ લાખાણી અને ચંદ્રીકાબેન તન્નાની વરણી કરવામાં આવી હતી.