ગોંડલના વોરા કોટડા રોડ પર રહેતા રીક્ષાચાલકના ઘરમાં રાજકોટ ગ્રામ્ય એસઓજીની ટીમે બાતમીના આધારે દરોડો પાડતા અહીંથી .૮૫૨૦ ની કિંમતનો ૮૫૨ ગ્રામ ગાંજાનો જથ્થો મળી આવ્યો હતો.આરોપી અગાઉ પણ બે વખત ગાંજાના જથ્થા સાથે ઝડપાઇ ચૂકયો છે.તેની પુછતાછ કરતા તે આ માદક પદાર્થ સુરત લાવી પડીકી બનાવી વેચતો હોવાની કબુલાત આપી હતી.આ અંગે આરોપી સામે ગોંડલ બી ડિવિઝનમાં ગુનો દાખલ કરી વધુ તપાસ હાથ ધરી છે.
જાણવા મળતી વિગતો મુજબ,રાજકોટ જિલ્લા પોલીસ વડા જયપાલસિંહ રાઠૌરની સૂચના હેઠળ એસઓજીના પીઆઇ એફ.એ.પારગીના માર્ગદર્શન હેઠળ પીએસઆઇ બી.સી.મીયાત્રા તથા તેમની ટીમ પેટ્રોલીંગમાં હતી દરમિયાન એએસઆઇ જયવિરસિંહ રાણા, હેડ કોન્સ. પ્રહલાદસિંહ રાઠોડ, અરવિંદભાઇ દાફડાને એવી બાતમી મળી હતી કે, ગોંડલના વોરા કોટડા રોડ પર રહેતા એજાજ ઉર્ફે મામુ નામના શખસના ઘરમાં માદક પદાર્થનો જથ્થો પડયો છે અને તે વેચાણ કરી રહ્યો છે. આ બાતમીના આધારે પોલીસે આ શખસના મકાનમાં દરોડો પાડયો હતો.અહીં મકાનમાંથી .૮૫૨૦ ની કિંમતનો ૮૫૨ ગ્રામ ગાંજાનો જથ્થો મળી આવ્યો હતો.જેથી પોલીસે ગાંજાના આ જથ્થા સાથે આરોપી એજાજ ઉર્ફે મામુ દિલાવરભાઇ મકરાણી(ઉ.વ ૩૨ રહે. વોરા કોટડા રોડ,આવાસ યોજના કવાર્ટર નં.૨૪૧,ગોંડલ) ને ઝડપી લીધો હતો.પોલીસે જણાવ્યું હતું આરોપી એજાજ રીક્ષા ચાલક છે.સાથોસાથ તે માદક પદાર્થની હેરફેર પણ કરે છે.આરોપી પોતે પણ બંધાણી છે.તે ગાંજો લાવી તેની પડીકી બનાવી છુટકમાં વેચાણ કરતો હતો.આ માદક પદાર્થ તે સુરતથી લાવ્યો હોવાની રટણ કયુ છે.આરોપી અગાઉ વર્ષ ૨૦૨૦ માં વિરપુરમાં બે કિલો ૧૦૦ ગ્રામ ગાંજા સાથે ઝડપાયો હતો.જયારે વર્ષ ૨૦૨૩ માં લાભ પાંચમના દિવસે આરોપી શાપરમાં બે કિલો ગાંજા સાથે ઝડપાયો હતો.આરોપી સામે ગોંડલ બી ડિવિઝનમાં ગુનો દાખલ કરી આ મામલે તપાસ હાથ ધરી છે.