સુરેન્દ્રનગરના સાયલા-લીંબડી હાઈવે પર મોરવાડ ગામના ઓવરબ્રિજ પાસે એક ભયાનક અકસ્માત સર્જાયો છે. ડમ્પર અને મીની બસ વચ્ચે ટક્કરમાં 5 લોકોના ઘટનાસ્થળે જ કમકમાટીભર્યા મોત થયા છે, જ્યારે 10થી વધુ લોકો ગંભીર રીતે ઘાયલ થયા છે.

અકસ્માત એટલો ભયાનક હતો કે મીની બસનો કચ્ચરઘાણ વળી ગયો હતો અને ઘટનાસ્થળે જ 5 લોકોએ જીવ ગુમાવ્યા હતા.મહત્વનું છે કે, ઘટનાની જાણ થતાં જ પોલીસ ઘટનાસ્થળે દોડી આવી હતી અને બચાવ કામગીરી શરૂ કરી હતી. ઘાયલોને તાત્કાલિક સારવાર માટે હોસ્પિટલ ખસેડવામાં આવ્યા છે.

સ્થાનિકોમાં આક્રોશ, હાઈવે પર સુરક્ષાની માંગ
આ ઘટના બાદ સ્થાનિક લોકોમાં ભારે આક્રોશ જોવા મળી રહ્યો છે. તેઓ હાઈવે પર વારંવાર થતા અકસ્માતોથી ચિંતિત છે અને હાઈવે પર સુરક્ષા વધારવાની માંગ કરી રહ્યા છે.