કાલાવડ ફાયર બ્રિગેડની ટીમે પાણીનો મારો ચલાવી આગને કાબુમાં લીધી

કાલાવડ તાલુકાના મુરીલા ગામમાં એક ખેડૂતના ગોદામમાં રાખેલા કપાસના જથ્થા તેમજ નિરણના જથ્થામાં આગ લાગી હતી, અને ૧૨૦૦૦ લીટર પાણીનો મારો ચલાવી આગને બુજાવી હતી.
કાલાવડ તાલુકાના મુરીલા ગામમાં એક ખેડૂત દ્વારા પોતાની વાડી નજીક બનાવવામાં આવેલા ગોદામમાં પશુઓ માટે નિરણનો જથ્થો રાખવામાં આવ્યો હતો. તેમજ તૈયાર કપાસનો જથ્થો પણ રાખવામાં આવ્યો હતો. ત્યાં કોઈ કારણસર આગ લાગી હતી અને કપાસ અને નિરાણનો જથ્થો સળગવા લાગ્યો હતો.
 જે આગ ના બનાવ અંગે કાલાવડ ફાયર બ્રિગેડની ટીમને જાણ કરવામાં આવતાં કાલાવડ ફાયરની ટુકડી ઘટના સ્થળે દોડી ગઈ હતી અને આશરે ૧૨ હજાર લિટર જેટલો પાણીનો મારો ચલાવીને આગને કાબુમાં લીધી હતી. જેથી સર્વે એ હાશકારો અનુભવ્યો હતો.