રાજકોટ-વાડીનાર નેશનલ હાઇવેમાં જાખરના પાટીયા પાસેનું પુલ અતિ જર્જરિત હાલતમાં છે, તંત્ર દ્વારા દર બે મહિને થૂંકના સાંધારુપી રીપેર કરવામાં આવે છે, આ પુલીયું જાખર પાટીયાથી અડધો કી.મી. પહેલા આવે છે, અત્યારે વરસાદીના કારણે પુલીયુ સાવ ધોવાઇ ગયું છે, વાહનોને અવરજવરમાં ભારે તકલીફ પડી રહી છે.
પુલીયાની હાલત અતિ ગંભીર હોવા છતાં અને ર૪ કલાક ધમધમતો આ રોડ હોવા છતાં તંત્ર દ્વારા આ રોડ અને પુલીયાની કામગીરીમાં ગંભીરતા દાખવવામાં આવતી નથી, જેના કારણે અકસ્માત થવાની ભીતિ સર્જાઇ છે. અકસ્માત થાય તો જવાબદાર કોની ? તેવો પ્રશ્ર્ન ગ્રામજનોમાં ચર્ચાઇ રહ્યો છે. આ પુલીયા તથા રોડનું કામ વ્યવસ્થિત રીતે તાકીદે કરવામાં આવે તેવું ગ્રામજનો ઇચ્છી રહ્યા છે.