ફ્રાન્સની રાજધાની પેરિસમાં સ્પોટર્સનો મહાકુંભ એટલે કે ઓલિમ્પિકનો આજથી પ્રારભં થશે. ભારતીય સમય અનુસાર રાત્રે ૧૧ વાગ્યે ઓપનિંગ સેરેમની યોજાશે. વિશ્વભરમાંથી અંદાજે ૧૦,૫૦૦ એથ્લેટ કુલ ૩૨૯ ઈવેન્ટસમાં ભાગ લેશે અને મેડલ માટે સ્પર્ધા કરશે. આ વખતે ઓલિમ્પિકમાં ૨૦૬ દેશોના ખેલાડીઓ ભાગ લઈ રહ્યા છે. જોકે, ભારતીય ટીમે ૨૫ જુલાઈથી પોતાના અભિયાનની શઆત કરી દીધી છે. ભારતની પ્રથમ મેડલ ઈવેન્ટની શઆત શનિવાર, ૨૭ જુલાઈના રોજ ૧૦ મીટર એર રાઈફલ ઈવેન્ટથી થશે. પેરિસમાં યોજાનારી આ ગેમ્સમાં ભારતીય ટીમમાં ૧૧૭ ખેલાડીઓ હશે. ઓલિમ્પિક ૨૦૨૪ને લઈને ભારતમાં પણ જબરદસ્ત ઉત્સાહ છે. આપણા દેશની ઓલિમ્પિકમાં અત્યાર સુધીની સૌથી મોટી ભાગીદારી છે. આ વખતે 117 ભારતીય એથ્લેટ 16 સ્પોટ્ર્સ ઈવેન્ટ્સમાં ભાગ લઈને મેડલ માટે સ્પર્ધા કરશે. ભારતીય રમતપ્રેમીઓને આશા છે કે ખેલાડીઓ 10થી વધુ મેડલ જીતીને પોતાના દેશ પરત ફરશે. અત્રે એ ઉલ્લેખ કરવો જરૂરી છે કે આપણો દેશ 1920 થી દરેક ઓલિમ્પિકમાં ભાગ લઈ રહ્યો છે.

આ ખેલાડીઓ પાસેથી મેડલની આશા

નીરજ ચોપરા: ભાલા ફેંક
એથ્લેટિક્સની ભાલા ફેંક સ્પર્ધામાં ભારતને ફરી એકવાર નીરજ ચોપરા પાસેથી આશાઓ હશે. તેણે ટોક્યો ઓલિમ્પિકમાં આ ઈવેન્ટમાં ગોલ્ડ મેડલ જીતીને દુનિયામાં પોતાની ક્ષમતા સાબિત કરી હતી. આ પછી તેણે ઘણી ઈવેન્ટ્સમાં ગોલ્ડ જીત્યો. આવી સ્થિતિમાં તેની પાસેથી પેરિસ ઓલિમ્પિકમાં પણ મેડલ જીતવાની આશા છે

ઝરીન અને લવલી: બોક્સિંગ
બોક્સિંગમાં ભારતને બે મેડલ મળવાની આશા છે. આમાંથી એક આશા લવલીના બોર્ગોહેન પાસેથી છે અને બીજી નિખત ઝરીન પાસેથી છે. નિખાત 50 કિગ્રા કેટેગરીમાં ભારત માટે ગોલ્ડ જીતી શકે છે, કારણ કે તે હાલમાં આ કેટેગરીમાં વર્લ્ડ ચેમ્પિયન છે..


પીવી સિંધુ:
ભારતીય બેડમિન્ટન સ્ટાર પીવી સિંધુ સતત ત્રીજી ઓલિમ્પિક ગેમ્સમાં મેડલ જીતીને ઈતિહાસ રચવાનો શ્રેષ્ઠ પ્રયાસ કરશે. આ ધ્યેય હાંસલ કરવા માટે તેણે છેલ્લા કેટલાક મહિનામાં અલગ અલગ રીતે સખત પ્રેક્ટિસ કરી છે. સિંધુએ રિયો ઓલિમ્પિકમાં સિલ્વર મેડલ અને ટોક્યો ઓલિમ્પિકમાં બ્રોન્ઝ મેડલ જીત્યો હતો. જો તે પેરિસ ઓલિમ્પિકમાં પોડિયમ સુધી પહોંચવામાં સફળ થાય છે, તો તે મેડલની હેટ્રિક પુરી કરનાર પ્રથમ ભારતીય ખેલાડી બની જશે.

અંતિમ પંઘાલ: રેસલિંગ
જે પહેલાથી જ ઘણા પુરસ્કારો જીતી ચૂકી છે. આ યાદીમાં સૌથી લોકપ્રિય રમતવીર છે. બે વખતની અંડર-20 વર્લ્ડ ચેમ્પિયન કુસ્તીબાજ અને એશિયન ગેમ્સ, એશિયન ચેમ્પિયનશિપ્સ અને સિનિયર વર્લ્ડ રેસલિંગ ચૅમ્પિયનશિપમાં મેડલ વિજેતા પંઘાલ હજુ માત્ર 19 વર્ષની છે પરંતુ તેને જોઈ ને એવું લાગે છે દાયકાઓથી તેની કળામાં નિપુણ છે. અંતિમ પંઘાલ 53 કિગ્રા વજન કેટેગરીમાં મેડલ માટે પોતાનું કૌશલ્ય બતાવશે.

મીરાબાઈ ચાનુ: વેઈટ લિફ્ટિંગ
મીરાબાઈ ચાનુ ઓલિમ્પિક ટીમમાં ભારતની એકમાત્ર વેઈટલિફ્ટર છે. આવી સ્થિતિમાં જો તે આ વખતે પણ બીજો મેડલ જીતશે તો આવું કરનાર તે ત્રીજી ભારતીય બની જશે, જેણે 3 મેડલ જીત્યા છે. મીરાબાઈ ઈજાના કારણે એશિયન ગેમ્સ 2022માં રમી શકી ન હતી. તે વેઈટલિફ્ટિંગમાં ઓછામાં ઓછો સિલ્વર મેડલ જીતવાની દાવેદાર છે.

સિફ્ટ કૌર સમરા: શૂટિંગ
આ ઓલિમ્પિકમાં પ્રથમ વખત ભાગ લઈ રહેલ સમરા શૂટિંગમાં ભારતની મેડલની આશાઓમાંની એક હશે. વર્તમાન એશિયન ગેમ્સની સુવર્ણ ચંદ્રક વિજેતા અને મહિલાઓની 50 મીટર રાઇફલ 3P સિફ્ટ કૌર પેરિસમાં પણ તેનું શાનદાર પ્રદર્શન ચાલુ રાખશે.

શ્રીજા અકુલા : ટેબલ ટેનિસ
ટેબલ ટેનિસના ચાહકો માટે આ એક જાણીતું નામ છે. અકુલા પેરિસથી ટીટીમાં તેનો પ્રથમ ઓલિમ્પિક મેડલ લાવવાની ટોચની સંભાવનાઓમાંની એક છે. તે ફીડર કોર્પસ ક્રિસ્ટી 2024 ટુર્નામેન્ટમાં જીતીને ડબલ્યુટીટી  ટૂર્નામેન્ટ જીતનારી પ્રથમ ભારતીય બની હતી, ત્યારબાદ તેણે ટોચની ચાઇનીઝ ખેલાડીને હરાવીને બીજું ડબલ્યુટીટી ટાઇટલ જીત્યું હતું. તે શરથ કમલ સાથે મિક્સ ડબલ્સમાં કોમનવેલ્થ ગેમ્સની સુવર્ણ ચંદ્રક વિજેતા પણ છે.

ધિનિધિ દેશિંગુ :સ્વિમિંગ
14 વર્ષીય તરણવીર ધિનિધિ દેશિંગુ પેરિસ ઓલિમ્પિક 2024માં ભારતના સૌથી યુવા એથ્લેટ તરીકે ઈતિહાસ રચવા માટે તૈયાર છે. તેણે ગયા વર્ષે નેશનલ ગેમ્સ અને નેશનલ ચેમ્પિયનશિપમાં મેડલ જીત્યા છે. આ વર્ષે સારા પ્રદર્શન બાદ તે ટોચની રેન્ક ધરાવતી ભારતીય મહિલા સ્વિમર પણ છે. તે ઓલિમ્પિકમાં 200 મીટર ફ્રી સ્ટાઇલમાં ભાગ લેશે.

મનુ ભાકર: શુટિંગ
મનુ ભાકેરે 2022 કૈરો વર્લ્ડ ચેમ્પિયનશિપમાં મહિલાઓની 25 મીટર પિસ્તોલમાં સિલ્વર અને 2023 એશિયન ગેમ્સમાં હાંગઝોઉમાં સમાન ઇવેન્ટમાં ગોલ્ડ જીત્યો હતો, પરંતુ તેણીની એકમાત્ર વ્યક્તિગત સિનિયર જીત 2023ના ભોપાલ સ્ટેજ પર મહિલાઓની 25 મીટર પિસ્તોલમાં આવી હતી. આ સ્પર્ધામાં તેણે બ્રોન્ઝ મેડલ જીત્યો હતો.

રાજ કુમાર પાલ : હોકી
યુવા ભારતીય મિડફિલ્ડર રાજ કુમાર પાલ ટોક્યો ઓલિમ્પિકની ટીમમાં પ્રવેશ મેળવવામાં નિષ્ફળ ગયા બાદ ભારતીય પુરૂષ ટીમ માટે આશા રાખશે. આ ખેલાડીએ ભારત માટે 50 થી વધુ દેખાવો કર્યા છે અને 2022 માં જકાર્તામાં એશિયા કપ અને 2021 માં ઢાકામાં એશિયન ચેમ્પિયન્સ ટ્રોફીમાં બ્રોન્ઝ મેડલ જીત્યો  છે. છેલ્લી વખત ટોક્યોમાં, ભારતે બ્રોન્ઝ જીત્યો હતો અને આ વખતે, રાજ કુમાર અને ટીમ અપગ્રેડ કરવાનું લક્ષ્ય રાખશે.