જામજોધપુર તાલુકાના નંદાણા ગામમાં રહેતા ૪૫ વર્ષ ના એક યુવાનને એકાએક પોતાના ઘેર છાતીમાં દુ:ખાવો ઉપડ્યો હતો, અને સરકારી હોસ્પિટલમાં લઈ જવાયા પછી તેનું મૃત્યુ નીપજ્યું હોવાનું જાહેર કરાયું હતું.
જામજોધપુર તાલુકાના નંદાણા ગામમાં રહેતા અને મજૂરી કામ કરતા જેરામભાઈ ચકુભાઈ સોલંકી નામના ૪૫ વર્ષના દેવીપુજક જ્ઞાતિના યુવાનને તા. ૨૫ના પોતાના ઘેર એકાએક છાતીમાં દુ:ખાવો ઉપડ્યો હતો, તેથી તેને સારવાર માટે જમજોધપુરની સરકારી હોસ્પિટલમાં લઈ જવાયા હતા. જ્યાં ફરજ પરના તબીબે તેનું મૃત્યુ નીપજયું હોવાનું જાહેર કર્યું હતું.
આ બનાવ અંગે મૃતકના પુત્ર વિજય જેરામભાઈ સોલંકીએ પોલીસને જાણ કરતાં શેઠ વડાલા પોલીસ સ્ટેશનની પોલીસ ટુકડી જામજોધપુરની સરકારી હોસ્પિટલે પહોંચી ગઈ હતી, અને જેરામભાઇના મૃતદેહનો કબજો સંભાળી પોસ્ટમોર્ટમની કાર્યવાહી હાથ ધરી હતી. તેઓનું હૃદય રોગનો હુમલો આવી જતાં અપમૃત્યુ થયું હોવાનું જાહેર કરાયું છે.