કેનેડિયન મહિલા માટે પીવાનું પાણી જીવલેણ બન્યું. 75 હાર્ડ નામની ફિટનેસ ચેલેન્જ દરમિયાન તેણે એટલું પાણી પીધું કે તેને હોસ્પિટલમાં દાખલ કરવી પડી. 

લોકો ઘણીવાર કહે છે કે કોઈપણ વસ્તુનો અતિરેક નુકસાનકારક છે, પરંતુ કેટલાક લોકો આ બાબતને બહુ ગંભીરતાથી લેતા નથી અને અંતે કંઈક એવું કરી નાખે છે જેનો તેમને પાછળથી પસ્તાવો થાય છે. તમે સાંભળ્યું જ હશે કે વ્યક્તિએ પુષ્કળ પાણી પીવું જોઈએ. આના ઘણા ફાયદા છે. ઘણીવાર એવું સૂચવવામાં આવે છે કે વ્યક્તિએ દિવસમાં ઓછામાં ઓછું 4-5 લિટર પાણી પીવું જોઈએ, પરંતુ શું તમે જાણો છો કે વધુ પડતું પાણી પીવું તમારા માટે ઘાતક પણ હોઈ શકે છે? જી હા, આજકાલ એવી જ એક મહિલા ચર્ચામાં છે, જેણે એટલું પીધું કે તેને હોસ્પિટલમાં દાખલ કરવી પડી.

આ મહિલાનું નામ મિશેલ ફેરબર્ન છે. કેનેડાની રહેવાસી મિશેલ ટિકટોક ઈનફ્લુએન્સર છે. સોશિયલ મીડિયા પર એક ચેલેન્જ ચાલી રહી છે, જેને 75 હાર્ડ કહેવામાં આવી રહી છે. મિશેલ આ ચેલેન્જને ફોલો કરી રહી હતી, પરંતુ પછી હાર માનવી પડી હતી. તેની હાલત એટલી ખરાબ થઈ ગઈ હતી. જોકે, ઘણી મહેનત બાદ ડોક્ટરોએ તેનો જીવ બચાવ્યો હતો.

આ ચેલેન્જની સૌથી સારી વાત એ છે કે તે કરનાર વ્યક્તિએ સવારે વહેલા ઉઠવું પડશે, કસરત કરવી પડશે, બહારનો ખોરાક ખાવા પર રોક લગાવવી પડશે, દારૂ છોડવો પડશે અને દરરોજ 10 મિનિટ સુધી એક યા બીજી બુક વાંચવી પડશે. આ ચેલેન્જની સૌથી અજીબ વાત એ છે કે લોકોએ દરરોજ પીવાનું પાણીનું પ્રમાણ વધારવું પડે છે અને દરરોજ તેમની તસ્વીર સોશિયલ મીડિયા પર શેર કરવી પડે છે. મિશેલ પણ આ ચેલેન્જને ફોલો કરી રહી હતી. તેણે સતત 12 દિવસ સુધી 4-4 લીટર પાણી પીધું, પરંતુ તે પછી તેની તબિયત બગડી.

જ્યારે મિશેલે ફરીથી ડૉક્ટરને બતાવ્યું તો જાણવા મળ્યું કે તેના શરીરમાં સોડિયમની ઉણપ છે. ડોક્ટરોએ જણાવ્યું કે દરરોજ 4 લીટર પાણી પીવાથી તેને આ બીમારી થઈ છે. બાદમાં તેને હોસ્પિટલમાં દાખલ કરવી પડી હતી. ત્યારબાદ ડોક્ટરોએ તેને દરરોજ અડધા લીટરથી ઓછું પાણી પીવાનું કહ્યું. આ સાથે તેમણે એ પણ જણાવ્યું કે સોડિયમની ઉણપ ખતરનાક છે, જેનો સમયસર ઈલાજ ન કરવામાં આવે તો તે જીવલેણ સાબિત થઈ શકે છે.