પર્યાવરણ માટે સૌથી વધુ નુકશાનકારક એવા પ્લાસ્ટીકનો ઉપયોગ ઓછો થાય તે માટે કેન્દ્ર સરકાર દ્વારા તમામ મહાપાલિકાને સુચના આપી છે ત્યારે ૧૨૦ માઇક્રોન સુધીના તમામ પ્લાસ્ટીક ઝબલા સહિતની વસ્તુનો ઉપયોગ બંધ કરવા માટે શહેરના વિવિધ વિસ્તારોમાં ૪ ટીમ દ્વારા કડક ઝુંબેશ હાથ ધરવામાં આવી હતી જેમાં ૧૭ વેપારીઓ પાસેથી ૧૧ કિલો પ્લાસ્ટીકનો જથ્થો જપ્ત કરીને તેમની પાસેથી રૂ.૭ હજારનો દંડ વસુલ કરવામાં આવ્યો છે. 


શહેરના વિવિધ વિસ્તારોમાં વેપારીઓની દુકાનોમાં ચેકીંગ કરવામાં આવી રહ્યું છે, આગામી દિવસોમાં આ ઝુંબેશ વધુ કડક બનાવવામાં આવશે, જેમની પાસેથી પ્રતિબંધીત પ્લાસ્ટીકનો વધુ જથ્થો પકડાશે તેમની સામે ફોજદારી કાર્યવાહી પણ કરવામાં આવશે.