રશિયન આર્મીમાં સપોર્ટ કર્મચારી તરીકે કામ કરતા 10 ભારતીય નાગરિકોને મુક્ત કરી દેવામાં આવ્યા છે અને તેઓ ભારત પરત ફયર્િ છે. વિદેશ મંત્રાલયએ આ માહિતી આપી હતી. વિદેશ મંત્રાલયના પ્રવક્તા રણધીર જયસ્વાલે કહ્યું કે ભારત રશિયા પર દબાણ કરી રહ્યું છે કે તે રશિયન સૈન્યમાં સમાન હોદ્દા પર ફરજ બજાવતા અન્ય તમામ નાગરિકો પરત આવે તે સુનિશ્ચિત કરે.જયસ્વાલે કહ્યું, ’10 ભારતીય નાગરિકોને મુક્ત કરવામાં આવ્યા છે અને તેઓ ઘરે પરત ફયર્િ છે.’ રશિયન આર્મીમાં સહાયક સ્ટાફ તરીકે કામ કરતા બે ભારતીયોએ જીવ ગુમાવ્યા પછી, ભારતે ગયા મહિને તેના નાગરિકોને આવી નોકરીઓ કરીને પોતાનો જીવ જોખમમાં ન લેવા હાકલ કરી હતી.જયસ્વાલે કહ્યું કે ભારતીય પક્ષ વિદેશ મંત્રાલય, સંરક્ષણ મંત્રાલય અને રશિયામાં અન્ય ઘણી સંસ્થાઓ સહિત વિવિધ સ્તરે રશિયન સૈન્યમાં સેવા આપતા તમામ ભારતીયોના કેસને ખૂબ જ સક્રિયપણે આગળ ધપાવે છે. તેમણે કહ્યું, ’અમે તે તમામ લોકોને પાછા લાવવા માટે પ્રતિબદ્ધ છીએ જેઓ અત્યાર સુધી અમારા સંપર્કમાં આવ્યા છે અને ઘરે પાછા ફરવા માગે છે.’ અહેવાલ છે કે ગયા વર્ષથી લગભગ 200 ભારતીય નાગરિકોની રશિયન સેનામાં કામ કરવા માટે ભરતી કરવામાં આવી હતી.