દ્વારકા જગતમંદિરના વહીવટદારની બદલી

April 14, 2026 05:06 PM

દ્વારકા જગતમંદિરના વહીવટદારની બદલી

ગોપાલભાઈ સાંબોળ દ્વારકાધીશ મંદિરના નાયબ મામલતદાર બન્યા

દ્વારકાધીશ જગતમંદિરમાં ગોપાલભાઈ સાંબોળ (રબારી)ને નવા નાયબ મામલતદાર તરીકેની જવાબદારી સોંપવામાં આવી છે. આ નિમણૂક બાદ અખિલ ભારતીય રબારી-ભરવાડ સમાજના ગોર મહારાજ રાજેન્દ્રભાઈ પાઢિયા અને તેમનો પરિવાર શુભેચ્છા મુલાકાતે પહોંચ્યો હતો.

મુલાકાત દરમિયાન ગોર મહારાજ રાજેન્દ્રભાઈ પાઢિયાએ ગોપાલભાઈ સાંબોળને તેમના નવા પદ માટે મંગલ આશીર્વાદ પાઠવ્યા હતા અને શુભકામનાઓ વ્યક્ત કરી હતી.

આ મુલાકાત દ્વારા વહીવટી જવાબદારી અને આધ્યાત્મિક આશીર્વાદનો સુભગ સમન્વય જોવા મળ્યો હતો. ઉપસ્થિત લોકોએ આ આશીર્વાદને શુભ સંકેત ગણાવ્યા હતા. ગોપાલભાઈ સાંબોળ પ્રત્યે સમાજના આગેવાનોનો વિશ્વાસ અને સ્નેહ સ્પષ્ટપણે દેખાઈ રહ્યો હતો.

આ શુભેચ્છા મુલાકાત માત્ર ઔપચારિક અભિનંદન પૂરતી સીમિત ન રહેતા, દ્વારકાની પવિત્ર ભૂમિ પર સેવા, સંસ્કાર અને જવાબદારીના સંદેશને વધુ મજબૂત બનાવનારો પ્રસંગ બની રહી હતી.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

દ્વારકા જગતમંદિરના વહીવટદારની બદલી

Recent News

Gujarat's No. 1 evening newspaper