અભિનેત્રી અનન્યા પાંડે મંગળવારે પિતરાઈ બહેન અલાના પાંડેની મહેંદી સેરેમનીમાં જોવા મળી હતી. મહેંદી સેરેમનીની અંદરની તસવીરો સોશિયલ મીડિયા પર ચર્ચામાં છે. આ દરમિયાન અનન્યા પાંડે ધૂમ્રપાન કરતી એક ફોટો ઇન્ટરનેટ પર વાયરલ થઈ રહ્યો છે. અનન્યા તેની બહેનની મહેંદી સેરેમનીમાં સિગારેટ પીતી જોવા મળી હતી. જો કે, જે એકાઉન્ટ પરથી ફોટો પોસ્ટ કરવામાં આવ્યો હતો તે એકાઉન્ટ હવે ડિલીટ કરી દેવામાં આવ્યું છે. પરંતુ આ દરમિયાન પોસ્ટનો સ્ક્રીનશોટ સોશિયલ મીડિયા પર વાયરલ થયો છે. યુઝર્સ અનન્યાને ટ્રોલ પણ કરી રહ્યા છે.

અનન્યાએ તેની બહેનની મહેંદી સેરેમની માટે બેબી પિંક સ્કર્ટ અને એક સ્ટ્રેપ ક્રોપ ટોપ પહેર્યું હતું. તેણીએ મિડલ પાર્ટેડ હેરસ્ટાઇલ અને ન્યુડ મેકઅપ કર્યો હતો. 

ફોટામાં અનન્યાની આસપાસ મહેમાનો દેખાય છે અને તે એક ખૂણામાં ધૂમ્રપાન કરતી જોવા મળે છે.

આ મહેંદી સેરેમની સોહેલ ખાનના ઘરે થઈ હતી. આ ફંક્શનમાં સલમાન ખાનની માતા સલમા ખાન અને હેલન પણ પહોંચી હતી. સલમાનની બહેન અલવીરા અગ્નિહોત્રી અને અતુલ અગ્નિહોત્રીએ પણ આ ફંક્શનમાં હાજરી આપી હતી. અભિનેતા બોબી દેઓલ પણ તેની પત્ની સાથે પહોંચ્યો હતો. અનુરાગ કશ્યપની પુત્રી આલિયા કશ્યપ પણ આ ફંક્શનનો ભાગ બની હતી.

આ દિવસોમાં અનન્યા પાંડે પણ પોતાની લવ લાઈફને લઈને ચર્ચામાં છે. તેનું નામ અભિનેતા આદિત્ય રોય કપૂર સાથે જોડવામાં આવી રહ્યું છે. તેમના અફેરના સમાચાર ઘણા સમયથી ચર્ચામાં છે. તાજેતરમાં, બંનેએ લેક્મે ફેશન વીકના ગ્રાન્ડ ફિનાલેમાં મનીષ મલ્હોત્રા માટે સાથે રેમ્પ વોક પણ કર્યું હતું. અનન્યાએ આદિત્ય સાથેના ઘણા ફોટા પણ શેર કર્યા હતા, જેના પછી તેમના અફેરના સમાચારો સામે આવ્યા હતા. જો કે, અનન્યા કે આદિત્યએ હજુ સુધી આવી અફવાઓ પર પ્રતિક્રિયા આપી નથી.