શરુ થઇ રહી છે દેશની પ્રથમ AI યુનિવર્સિટી, કોર્સ, ડીગ્રી અને સંચાલન બધું હશે સંપૂર્ણ અલગ 

ભારતની પ્રથમ AI યુનિવર્સિટી ટૂંક સમયમાં શરૂ થવા જઈ રહી છે. આ યુનિવર્સિટીમાં આપવામાં આવતા અભ્યાસક્રમોને શીખવવા માટે તમામ આધુનિક AI સાધનોનો ઉપયોગ કરવામાં આવશે. આ યુનિવર્સિટી 01 ઓગસ્ટથી શરૂ થશે.

ભારતની પ્રથમ આવી યુનિવર્સિટી દેશની આર્થિક રાજધાની મુંબઈમાં ખોલવામાં આવશે, જેમાં AI નો અભ્યાસ કરવામાં આવશે અને તે AI શિક્ષણમાં મહત્વની ભૂમિકા ભજવશે. AI અને ભવિષ્યની તકનીકોમાં વિશિષ્ટ સ્નાતક અને અનુસ્નાતક અભ્યાસક્રમો 01 ઓગસ્ટથી મુંબઈની AI યુનિવર્સિટીમાં શરૂ કરવામાં આવી રહ્યા છે. આ અભ્યાસક્રમો હેઠળ, અહીં આવતા વિદ્યાર્થીઓને AI વિશે સંપૂર્ણ રીતે શીખવવામાં આવશે. જેમાં વર્ચ્યુઅલ રિયાલિટી અને સુપર કોમ્પ્યુટરનું શિક્ષણ આપવામાં આવશે. મુંબઈની આ યુનિવર્સિટીમાં AIના અભ્યાસ માટે વિવિધ તૈયારીઓ પણ કરવામાં આવી છે, જેમ કે હાઈ-ટેક ક્લાસ રૂમ, સુપર કોમ્પ્યુટર અને વર્ચ્યુઅલ રિયાલિટી ઉપકરણો.

આ યુનિવર્સિટીમાં દરેક વિષય ભણાવવા માટે દરેક પ્રવાહમાં AIનો ઉપયોગ કરવામાં આવશે. આ યુનિવર્સિટીમાં આર્ટિફિશિયલ ઈન્ટેલિજન્સ મુખ્ય પાત્ર તરીકે કામ કરશે.