કેન્દ્ર સરકારે આજે તેનું વચગાળાનું બજેટ રજૂ કર્યું છે. આ બજેટમાં નાણામંત્રી નિર્મલા સીતારમણે ઘણી બધી મહિલા કેન્દ્રિત યોજનાઓનો ઉલ્લેખ કર્યો છે. આ સાથે લખપતિ દીદી યોજનાના લાભાર્થીઓની સંખ્યામાં વધારો કરવાની પણ જાહેરાત કરવામાં આવી છે. નિર્મલા સીતારમણે કહ્યું કે પહેલા આ યોજનાનો લાભ 1 કરોડ મહિલાઓને મળતો હતો પરંતુ હવે 3 કરોડ મહિલાઓને તેમાં આવરી લેવામાં આવશે. તેમણે એમ પણ જણાવ્યું કે અત્યાર સુધીમાં 1 કરોડ મહિલાઓને આ યોજનાનો લાભ મળ્યો છે અને તેનાથી તેમના જીવનમાં ઘણો બદલાવ આવ્યો છે. આ જ કારણ છે કે આ યોજનાને આગળ વધારવામાં આવી રહી છે.

નિર્મલા સીતારમણે પોતાના બજેટ ભાષણમાં કહ્યું હતું કે, 'લખપતિ દીદીને પ્રમોટ કરવામાં આવશે. હવે તેને 2 કરોડથી વધારીને 3 કરોડ રૂપિયા કરવાનો નિર્ણય લેવામાં આવ્યો છે. અલગ અલગ યોજનાઓથી 9 કરોડ મહિલાઓના જીવનમાં પરિવર્તન આવ્યું છે. આંગણવાડીના કાર્યક્રમો ઝડપી કરવામાં આવશે. અત્યાર સુધી એક કરોડ મહિલાઓને લખપતિ દીદી બનાવવામાં આવી છે.

કેન્દ્રની મોદી સરકારે મહિલાઓને આર્થિક રીતે સશક્ત બનાવવા માટે આ પહેલ શરૂ કરી હતી. પીએમ નરેન્દ્ર મોદીએ 15 ઓગસ્ટ 2023ના રોજ લાલ કિલ્લા પરથી તેમના ભાષણ દરમિયાન આ યોજનાનો ઉલ્લેખ કર્યો હતો. આ યોજના દ્વારા મહિલાઓને ટેકનિકલ તાલીમ આપવામાં આવે છે જેથી કરીને તેઓ વાર્ષિક એક લાખ રૂપિયાથી વધુ કમાઈ શકે. આ માટે અન્ય ઘણા પ્રયાસો પણ કરવામાં આવી રહ્યા છે.

પીએમ મોદીએ પોતાના સંબોધનમાં કહ્યું હતું કે દેશમાં 10 કરોડ મહિલાઓ છે જે સ્વ-સહાય જૂથો સાથે જોડાયેલી છે. તેને ધ્યાનમાં રાખીને મહિલાઓને આ યોજના સાથે જોડવામાં આવી રહી છે. આ અંતર્ગત મહિલાઓના સ્વ-સહાય જૂથોને ડ્રોન ઉપલબ્ધ કરાવવામાં આવે છે. તેઓ તેના સંચાલન અને સમારકામની તાલીમ પણ મેળવે છે.

આ ઉપરાંત LED બલ્બ બનાવવા અને પ્લમ્બિંગ જેવા કામ પણ શીખવવામાં આવે છે જેથી મહિલાઓ આત્મનિર્ભર બની શકે. મુખ્યત્વે આ એક કૌશલ્ય વિકાસ કાર્યક્રમ છે જેના હેઠળ મહિલાઓને એવી વસ્તુઓ શીખવવામાં આવે છે કે જેથી કરીને તેઓ રોજગાર તરફ આગળ વધી શકે અને તેમના ઘરે રહીને ઓછામાં ઓછા 1 લાખ રૂપિયા વાર્ષિક કમાઈ શકે.

નાણાં પ્રધાન નિર્મલા સીતારામને કહ્યું કે જનધન ખાતામાં નાણાં મૂકવાથી રૂ. ૨.૭ લાખ કરોડનો બચાવ થયો છે અને સરકારનું આર્થિક સંચાલન ઉચ્ચ સ્તરનું છે, જેણે દેશને નવી દિશા અને નવી આશા આપી છે. દેશની આર્થિક પ્રગતિમાં, દેશના તમામ રાજ્યો અને વર્ગો સામૂહિક રીતે લાભ મેળવી શકે છે. દેશનું નાણાકીય ક્ષેત્ર વધુ મજબૂત, વધુ સરળતાથી કાર્યરત કરવામાં સક્ષમ થઈ રહ્યું છે. દેશના ફુગાવા અંગેના મુશ્કેલ પડકારો દૂર કરવામાં આવી રહ્યા છે અને ફુગાવાના આંકડા નીચે આવ્યા છે.


કેન્દ્રીય નાણાં પ્રધાન નિર્મલા સીતારામને કહ્યું કે તાજેતરના સમયમાં ભારતીય અર્થવ્યવસ્થામાં ઘણો ફેરફાર થયો છે. જ્યારે પીએમ મોદીએ 2014 માં સત્તા સંભાળી હતી, ત્યારે ઘણા પડકારો હતા. ઘણા કાર્યક્રમો અને યોજનાઓ જાહેર હિતમાં બનાવવામાં આવી હતી જેથી અર્થવ્યવસ્થા મજબૂત થઈ અને લોકોને રોજગાર મળી શકે. સરકારમાં સમાવિષ્ટ વિકાસ પર ધ્યાન કેન્દ્રિત કરવામાં આવ્યું છે અને તમામ કેટેગરીઝના વિકાસ વિશે વાત કરવામાં આવી છે. 2047 સુધીમાં, અમે ભારતને વિકસિત દેશ બનાવીશું.

બજેટ ભાષણની શરૂઆતમાં, નાણાં પ્રધાને, કેન્દ્ર સરકારના લક્ષ્યોનો ઉલ્લેખ કરતી વખતે, 'સબકા સાથ, સબકા વિકાસ, સબકા વિશ્વસ' સાથે મોદી સરકારની દ્રષ્ટિ વિશે વાત કરી. તેમણે કહ્યું કે છેલ્લા 10 વર્ષ પરિવર્તનનાં છે અને ભારતીય અર્થવ્યવસ્થા ખૂબ જ ઝડપથી આગળ વધી છે.