કોંગ્રેસ નેતા સોનિયા ગાંધીની તબિયત અચાનક લથડી છે. તેમને સારવાર માટે શિમલાની IGMC હોસ્પિટલમાં ખસેડવામાં આવ્યા છે. ડોક્ટરોની ટીમ તેમના ECG, MRI અને અન્ય ટેસ્ટ કરી રહી છે. સોનિયા ગાંધીનું શું થયું છે તે હજુ સુધી જાણી શકાયું નથી. સોનિયા ગાંધી 2 જૂને તેમની પુત્રી પ્રિયંકા ગાંધી સાથે શિમલા આવ્યાં હતાં. તેઓ છારાબ્રામાં તેમના ફાર્મ હાઉસમાં રોકાયાં હતાં.

સોનિયા ગાંધી વિશે જાણ્યા પછી, મુખ્યમંત્રી સુખવિંદર સિંહ સુખુએ તેમની મુલાકાત રદ કરી દીધી છે. તેઓ શિમલા પરત ફરી રહ્યા છે. તેઓ થોડા સમયમાં IGMC પહોંચી શકે છે.

ગાંધી પરિવાર ઉનાળાના વેકેશન માટે આવે છે

પ્રિયંકા ગાંધીનું શિમલાથી 13 કિમી દૂર છારાબ્રામાં ફાર્મહાઉસ છે. આ ઘર પહાડી શૈલીમાં બનેલું છે. અંદરનો ભાગ દેવદારના લાકડાથી શણગારવામાં આવ્યો છે. ઘરની ચારે બાજુ હરિયાળી અને સુંદર પાઈન વૃક્ષો છે. સામે હિમાલયના બરફથી ઢંકાયેલા પર્વતો દેખાય છે. સોનિયા, પ્રિયંકા અને રાહુલ ગાંધી ઘણીવાર ઉનાળાની રજાઓ ગાળવા માટે અહીં આવે છે.