મહાઠગ કિરણ પટેલ સામે વધુ એક ફરિયાદ નોંધાઈ છે. અમદાવાદના એક વેપારીએ લાખોની ઠગાઈ મામલે આ ફરિયાદ કરી છે પણ ચોકાવનારું એ છે કે, કિરણ પટેલે G-20 સમીટને ઉલ્લેખીને આ છેતરપીંડી કરી છે. PMO ઓફિસની ખોટી ઓળખ આપી G-20 સમીટના બેનર હેઠળ કાશ્મીરમાં ઈવેન્ટના નામે ફ્લાઈટ અને હોટેલ બુક કર્યા હોવાનો ખુલાસો થયો છે.

PMO ઓફિસરનું વીઝીટીંગ કાર્ડ મોકલી મહાઠગે હયાત હોટેલમાં ઈવેન્ટ અને અમદાવાદથી શ્રીનગરની ફ્લાઈટ, હોટેલનું રૂમનું ભાડું સહિતના ખર્ચાઓનું પેમેન્ટ કર્યું નથી. અત્યાર સુધી કિરણ પટેલ સામે કુલ 6 પોલીસ ફરિયાદ નોંધાઈ છે.