મોરબી જીલ્લાના વાંકાનેર નજીક એક ચોકાવનારી ઘટના બની છે. તાલુકાના ગારીડા ગામના ડુંગરાળ વિસ્તારમાં લાવા નીકળવાની ઘટના બની છે.


સૂત્રો મુજબ ડુંગરના વિસ્તારમાં છેલ્લા બે દિવસથી લાવા નીકળી રહ્યો છે. અને ગઈકાલે રાત્રે પણ જ્વલંત લાવા નીકળ્યો હતો. આ બનાવ અંગે ગારીડા ગામના રહેવાસી યુનુસભાઈએ જણાવ્યું હતું કે, વાંકાનેરના ગારીડા ગામે મહિકા જવાના માર્ગ પર ડુંગર વિસ્તાર માથી છેલ્લા બે દિવસથી લાવા નીકળી રહ્યો છે. જો કે ગત રાત્રે પણ લાવા બહાર આવ્યો હતો. પરંતુ ગ્રામજનોને રાત્રે આ બાબતની જાણ થઈ ન હતી.



સવારે ત્યાંથી પસાર થતાં લોકોએ અન્ય રહેવાસીઓને જાણ કરતા લોકોના ટોળે ટોળા જોવામાં ઉમટી પડ્યા હતા. આથી ગામના સરપંચ ફાતમાબેને ખાણ ખનીજ વિભાગને જાણ કરતા ટીમ સેમ્પલ લેવા પહોચી છે. જીઓલોજિકલ સર્વે ઓફ ઈન્ડિયાની ટીમ પણ આ મામલે તપાસ કરી રહી છે.