ધ્રોલ તાલુકાના સોયલ ગામની એક યુવતીના પ્રેમ સંબંધ બાબતે પિતાને જાણ થઈ જતાં યુવતિનો ગળાફાંસા દ્વારા આપઘાત

March 23, 2026 11:12 AM

પોતાના પ્રેમીને ઘરમાં બોલાવ્યો હતો, દરમિયાન અચાનક પિતા આવી જતાં ડઘાઈ ગયેલી પુત્રીએ ગળાફાંસા દ્વારા જીવ દીધો

જામનગર જિલ્લાના ધ્રોલ તાલુકાના સોયલ ગામમાં એક વિચિત્ર બનાવ બન્યો હતો. ત્યાં રહેતી ભરવાડ પરિવારની એક યુવતીએ પોતાના પ્રેમ સંબંધની પિતાને જાણ થઈ જતાં તેણીએ ગળાફાંસા દ્વારા આત્મહત્યા કરી લીધી છે. પોતાના પ્રેમીને ઘરે બોલાવ્યો હતો. જે દરમિયાન અચાનક પિતા આવી જતાં પોતાનો પ્રેમી ભાગ્યો હતો, જેનો પિતાએ પીછો કર્યો હતો. દરમિયાન પાછળથી પુત્રીએ ગળાફાંસા દ્વારા આત્મહત્યા કરી લીધી છે. જે બનાવને લઈને ભારે ચર્ચા જાગી છે.

જામનગર જિલ્લાના ધ્રોળ તાલુકાના સોયલ ગામમાં એક વિચિત્ર બનાવ બન્યો હતો. જ્યાં રહેતા સિંધાભાઈ હરજીભાઈ ઝાપડા (ઉં.વ. ૪૯)ગઈકાલે પોતાના ઘેર આવ્યા, ત્યારે તેમની પુત્રી હેતલબેન (ઉંમર ૨૦ વર્ષ) ઘરમાં હાજર હતી. તે સમયે હેતલબેને પોતાના ઓળખીતાને (પ્રેમી)ને ઘરે બોલાવ્યો હતો.

દરમિયાન પિતા અચાનક ઘરે આવી જતાં તે યુવક ત્યાંથી ભાગી ગયો, અને પિતા તેની પાછળ ગયા હતા. જે દરમિયાન હેતલબેનને લાગ્યું કે તેમના પ્રેમ સંબંધ અંગે તેમના પિતાને જાણ થઈ ગઈ છે.

આ વાતને કારણે માનસિક તણાવમાં આવી હેતલબેને પોતાના રૂમમાં પંખા સાથે ચુંદડી વડે ગળાફાંસો ખાઈ આત્મહત્યા કરી લીધી હતી. આ બનાવ અંગે ધ્રોલ પોલીસ દ્વારા અકસ્માત મોત તરીકે નોંધ કરી આગળની કાર્યવાહી હાથ ધરવામાં આવી છે.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application

ધ્રોલ તાલુકાના સોયલ ગામની એક યુવતીના પ્રેમ સંબંધ બાબતે પિતાને જાણ થઈ જતાં યુવતિનો ગળાફાંસા દ્વારા આપઘાત

Recent News

Gujarat's No. 1 evening newspaper