જોડીયાના બાલાચડી પાસે યુવાનને મુઠ અને છરી વડે ઇજા કર્યાની તેમજ ધમકી દીધાની મહિલા સહિત ત્રણ સામે ફરીયાદ દાખલ કરવામાં આવી છે.


જોડીયાના મોટોવાસમાં રહેતા રજાક હાસમભાઇ સાઇચા (ઉ.વ.૩૦) નામનો યુવાન તેમની પત્નીને તેમના સાસરીયા માટે તેડી લાવેલ હોય જેથી બોલાચાલી થઇ હતી, દરમ્યાન આ બાબતનો ખાર રાખીને ગત તા. ૮ના સાંજના સુમારે બાલાચડી પાસે આરોપીઓએ ફરીયાદી રજાકને અપશબ્દો બોલી, મુઠ અને ઢીકાપાટુ વડે માર મારી જાનથી મારી નાખવાની ધમકી દીધી હતી.

​​​​​​​
આ ઉપરાંત અન્ય એક શખ્સે ફરીયાદીને કપાળના ભાગે છરીનો એક ઘા ઝીંકી એકબીજાને મદદગારી કરી હતી, આ અંગે રજાકભાઇ દ્વારા ગઇકાલે જોડીયા ખાતે રહેતા નવાઝ સુલતાન નોતીયાર, સમીમ સુલતાન નોતીયાર, શરીફાબેન સુલતાન નોતીયારની વિરુઘ્ધ ફરીયાદ નોંધાવી હતી.