ભારત અને ઇંગ્લેન્ડ વચ્ચે આગામી તા.25 જાન્યુઆરીથી ટેસ્ટ શ્રેણી શરૂ થવા જઈ રહી છે. દરેક ક્રિકેટ ફેન જેની આતુરતાથી રાહ જોઈ રહ્યા છે તે શ્રેણીને લઈને ઘણી ઉત્સુકતા છે. કારણ કે આ વખતે પાંચ ટેસ્ટ મેચ રમાવાની છે. આ સિરીઝ માટે ઈંગ્લેન્ડની ટીમ ભારત પહોંચવાની છે. જ્યારે ટીમ ઈન્ડિયા પણ ઝડપભેર પોતાની ટ્રેનિંગ કેમ્પ શરૂ કરવા જઈ રહી છે. આ બધા વચ્ચે સમાચાર આવ્યા છે કે રિંકુ સિંહ પણ ઇંગ્લેન્ડની એક ટીમ સામે રમતા જોવા મળશે અને બીસીસીઆઇએ પણ આ વાતની જાહેરાત કરી છે. આમ, રિંકુ સિંહની એન્ટ્રી ઇન્ડિયા એ ટીમમાં થઇ છે.
હૈદરાબાદમાં 25જાન્યુઆરીથી ભારત અને ઈંગ્લેન્ડ વચ્ચે પ્રથમ ટેસ્ટ મેચ શરૂ થશે. આ શ્રેણીની સાથે ભારત અને ઈંગ્લેન્ડની ટીમો વચ્ચે અન્ય શ્રેણી પણ ચાલુ રહેશે જે પહેલાથી જ શરૂ થઈ ગઈ છે. ઇન્ડિયા એ અને ઈંગ્લેન્ડ લાયન્સ વચ્ચે બિનસત્તાવાર ટેસ્ટ મેચોની શ્રેણી રમાઈ રહી છે. જેની પ્રથમ મેચ 17 જાન્યુઆરીએ અમદાવાદમાં શરૂ થઈ હતી. આ સીરીઝની વધુ બે મેચ રમાવાની છે અને બીસીસીઆઇએ આ માટે ટીમની જાહેરાત કરી છે.
બીસીસીઆઇની મેન્સ સિનિયર સિલેક્શન કમિટીએ શુક્રવારે 19 જાન્યુઆરીએ સિરીઝની બીજી અને ત્રીજી મેચ માટે ટીમની જાહેરાત કરી હતી. આ બંને મેચમાં પણ ટીમની કમાન અભિમન્યુ ઇશ્વરના હાથમાં રહેશે પરંતુ શ્રેણીમાં કેટલાક અન્ય ખેલાડીઓની એન્ટ્રી થઈ છે. આમાં સૌથી લોકપ્રિય નામ રિંકુ સિંહનું છે. ટીમ ઈન્ડિયાના આ ઉભરતા બેટ્સમેનને ત્રીજી મેચ માટે ટીમમાં પસંદ કરવામાં આવ્યો છે. અફઘાનિસ્તાન સામેની ટી20 શ્રેણીમાં જોરદાર પ્રદર્શન કર્યા બાદ રિંકુ હાલમાં ઉત્તર પ્રદેશની ટીમ સાથે છે જ્યાં તે રણજી ટ્રોફી મેચ રમી રહ્યો છે.
આ ટીમમાં રિંકુ ઉપરાંત વોશિંગ્ટન સુંદર અને તિલક વર્માનો પણ સમાવેશ કરવામાં આવ્યો છે. સુંદર અને તિલક બંને મેચ માટે ઉપલબ્ધ રહેશે. આ બંને મેચ માટે અર્શદીપ સિંહ અને યશ દયાલની પણ પસંદગી કરવામાં આવી છે. આ સિવાય વિકેટકીપર કુમાર કુશાગ્ર અને ઉપેન્દ્ર યાદવને ટીમમાં સામેલ કરવામાં આવ્યા છે કારણ કે ધ્રુવ જુરેલ અને કેએસ ભરત ટેસ્ટ શ્રેણી માટે ટીમ ઈન્ડિયા સાથે જોડાશે. બીજી મેચ 24મી જાન્યુઆરીથી અને ત્રીજી મેચ 1લી ફેબ્રુઆરીથી શરૂ થશે. આ મેચો પણ માત્ર અમદાવાદમાં જ રમાશે.
ક્રિકેટમાંથી બ્રેક લઈ રહેલા ઈશાન કિશન પણ આ સિરીઝમાં નહીં રમે. ઇશાન કિશને ગયા મહિને જ દક્ષિણ આફ્રિકાના પ્રવાસ દરમિયાન માનસિક થાકનું કારણ આપીને ટેસ્ટ શ્રેણીમાંથી પોતાનું નામ પરત ખેંચી લીધું હતું.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર : કાશ્મીરનાં બે સમયનાં યાત્રા અનૂભવ વિશે એક ડોક્યુમેન્ટરી ફિલ્મ
July 09, 2024 12:44 PMજામનગર જિલ્લાના ગ્રામ્ય વિસ્તારોમાં વરસાદ
July 09, 2024 12:20 PMજામનગરમાં કલાત્મક તાજિયાને આપાઈ રહ્યો છે આખરી ઓપ....
July 09, 2024 12:15 PMફોટોગ્રાફરે મનીષા કોઈરાલાને બીકીની ન પહેરવા પર જોરદાર ફટકાર લગાવી
July 09, 2024 12:07 PMCopyright © 2023-2024 Aajkaal Daily
Developed by Rhythm Infotech