હાલમાં જ OTT પર એક હોરર ફિલ્મ આવી છે. આ ફિલ્મનું નામ છે 'ગીતાંજલિ મલ્લી વચ્છિંદી'. આ સાઉથની હોરર ફિલ્મ છે. જ્યારે આ ફિલ્મનું ટીઝર સ્મશાનગૃહમાં રિલીઝ થયું ત્યારે લોકો પણ ચોંકી ઉઠયા હતા. કેટલાક તો ડરથી સ્મશાન છોડીને ચાલ્યા ગયા હતા. કેટલાકને આખી રાત ઊંઘ ન આવી. 

આ ફિલ્મ ઓટીટી પર રીલિઝ થતા પહેલા સિનેમાઘરોમાં રિલીઝ કરવામાં આવી હતી. નિર્માતાઓએ 4 કરોડ રૂપિયાના બજેટ સાથે આ ફિલ્મ બનાવી હતી અને ફિલ્મે બોક્સ ઓફિસ પર લગભગ 10 કરોડ રૂપિયાનો બિઝનેસ કર્યો હતો. આ ફિલ્મનું નિર્દેશન શિવ તુર્લાપતિએ કર્યું છે અને આ ફિલ્મમાં અંજલિ મુખ્ય ભૂમિકામાં છે.

'ગીતાંજલિ મલ્લી વચ્છિંદી' 2014માં આવેલી ફિલ્મ 'ગીતાંજલિ'ની સિક્વલ છે. આ ફિલ્મમાં અંજલિ ઉપરાંત શ્રીનિવાસ રેડ્ડી, સત્યમ રાજેશ, શકલાકા શંકર, બ્રહ્મજી, રવિશંકર, રાહુલ માધવ અને સત્યાએ પણ કામ કર્યું છે. 

આ ફિલ્મ OTT પ્લેટફોર્મ એમેઝોન પ્રાઇમ વિડિયો પર રિલીઝ કરવામાં આવી છે, પરંતુ માત્ર તેલુગુ ઓડિયો સાથે. જો તમારે આ ફિલ્મ જોવી હોય તો અંગ્રેજીમાં આપેલા કૅપ્શન્સ સાથે જોઈ શકો છો. આ ફિલ્મને IMDb પર 10 માંથી 5.7 રેટિંગ મળ્યું છે.