ગત વિધાનસભાની ચૂંટણીમાં ભાજપે તમામ રેકોર્ડ તોડી ઐતિહાસિક જીત પોતાના નામે કરી છે. તો છેલ્લી ચુંટણીમાં 77 સીટ પર પોતાનો કબજો જમાવનાર કોંગ્રેસના ભાગમા આ ચૂટણીમાં માત્ર 17 સીટો જ મળી છે. આમ આદમી પાર્ટીને 5 સીટ તેમજ અપક્ષને 4 સીટ(3 અપક્ષ અને 1 સમાજવાદી પાર્ટી) આવી છે.

આજરોજ કોંગ્રેસ દ્વારા વિધાનસભા માટે વિપક્ષ નેતાનું નામ જાહેર કરી દેવામાં આવ્યું છે. ગુજરાત વિધાનસભામાં વિપક્ષ નેતા તરીકે આંકલાવના ધારાસભ્ય અમિત ચાવડાની વરણી કરવામાં આવી છે. તો દાણીલીમડાના ધારાસભ્ય શૈલેષ પરમારને ઉપનેતાનું પદ સોપાયું છે.