સરકારની પ્રાથમિકતા ફાઇનાન્સ બિલ પાસ કરાવવાની :. વિપક્ષે કેન્દ્રીય એજન્સીઓના દરોડાનો મુદ્દો ઉઠાવીને સરકારને ઘેરવાની યોજના બનાવી

સંસદના બજેટ સત્રનો બીજો તબક્કો આજથી હોબાળા સાથે શરુ થયો છે. બજેટ સત્રનો બીજો તબક્કો 6 એપ્રિલ સુધી ચાલશે અને આ દરમિયાન 17 બેઠકો થશે. વાઇસ પ્રેસિડેન્ટ જગદીપ ધનખરે કાર્યવાહીને સુચારૂ રીતે ચલાવવા માટે સર્વપક્ષીય બેઠક બોલાવી હતી. તે જ સમયે, રાજ્યસભામાં વિપક્ષના નેતા મલ્લિકાર્જુન ખડગેએપણ આજે રે વિરોધ પક્ષોની બેઠક બોલાવી હતી.

આ સત્રમાં સરકારની પ્રાથમિકતા ફાઇનાન્સ બિલ પાસ કરાવવાની રહેશે. વિપક્ષ ભાજપના રાજકીય વિરોધીઓ સામે કેન્દ્રીય એજન્સીઓની કાર્યવાહીનો મુદ્દો ઉઠાવીને સરકારને ઘેરવાની યોજના બનાવી રહ્યું છે. આ સિવાય કોંગ્રેસ નેતા રાહુલ ગાંધીની વિદેશની ધરતી પર દેશ અને સરકારની ટીકા પણ ગૃહની કાર્યવાહીમાં અવરોધ બની શકે છે. ઉલ્લેખનીય છે કે સત્રના પ્રથમ તબક્કામાં અદાણી એપિસોડ પર સરકાર અને વિપક્ષ વચ્ચે જોરદાર દલીલબાજી થઈ હતી. બીજા તબક્કાની શરૂઆત એવા સમયે થઈ રહી છે જ્યારે સરકાર અને વિપક્ષ વચ્ચે ઘણા મુદ્દાઓ પર તલવારો ચાલી રહી છે.

AAP નેતા મનીષ સિસોદિયાને એક્સાઇઝ કૌભાંડમાં જેલમાં મોકલવામાં આવ્યા, BRS નેતા કવિતાની EDની પૂછપરછ, લાલુ પ્રસાદ યાદવ અને તેમના પરિવારના સભ્યો સામે જમીન-નોકરી કૌભાંડ કેસમાં કાર્યવાહી, વિપક્ષના આકરા પ્રહારો છે. આ સિવાય વિપક્ષ સંસદીય સમિતિઓમાં ઉપરાષ્ટ્રપતિ દ્વારા વ્યક્તિગત સ્ટાફની નિમણૂકનો મુદ્દો પણ ઉઠાવી રહ્યો છે.

વાઇસ પ્રેસિડેન્ટ જગદીપ ધનખરે કાર્યવાહીને સુચારૂ રીતે ચલાવવા માટે રવિવારે સર્વપક્ષીય બેઠક બોલાવી હતી. રાજ્યસભામાં વિપક્ષના નેતા મલ્લિકાર્જુન ખડગેએ સોમવારે સરકારને ઘેરવાની રણનીતિ ઘડવા માટે વિપક્ષી દળોની બેઠક બોલાવી છે. બીજી તરફ વડાપ્રધાન નરેન્દ્ર મોદી પણ તે જ દિવસે વરિષ્ઠ મંત્રીઓ સાથે સત્રની રણનીતિ અંગે ચર્ચા કરશે.

સંસદના બજેટ સત્રના બીજા તબક્કાની રણનીતિ ઘડવા વિપક્ષોની પક્ષોની બેઠક બોલાવી હતી. . સત્રના બીજા તબક્કામાં વિપક્ષ કેન્દ્રીય એજન્સીઓના કથિત દુરુપયોગ અને અદાણી વિવાદ સહિત અન્ય કેટલાક મુદ્દાઓ પર સરકારને ઘેરવાનો પ્રયાસ કરશે. . આ પછી, સાંસદો કોંગ્રેસ સંસદીય દળના કાર્યાલયમાં એક બેઠકમાં ભાગ લેશે જ્યાં પક્ષની વ્યૂહરચના અંગે ચર્ચા કરવામાં આવશે, એમ તેમણે જણાવ્યું હતું.

ભારતીય જનતા પાર્ટી (BJP) યુકેમાં કોંગ્રેસના નેતા રાહુલ ગાંધી પર તેમના નિવેદનોને લઈને સતત પ્રહારો કરી રહી છે. સત્ર દરમિયાન આ મુદ્દે કોંગ્રેસ અને ભાજપ વચ્ચે શબ્દયુદ્ધ થવાની સંભાવના છે. સત્ર દરમિયાન કેન્દ્રીય એજન્સીઓનો કથિત દુરુપયોગ, અદાણી વિવાદ, ચીન સાથેના સરહદી અવરોધ, મોંઘવારી, બેરોજગારી જેવા મુદ્દાઓ વિરોધ પક્ષો દ્વારા ઉઠાવવામાં આવી શકે છે. સમાજવાદી પાર્ટી, ડાબેરીઓ અને ડીએમકે પણ સંઘીય માળખા પરના હુમલા અને સંસ્થાઓના કથિત દુરુપયોગ સામે વિરોધ કરી રહ્યા છે. સત્ર દરમિયાન, તૃણમૂલ કોંગ્રેસ એલઆઈસી, એસબીઆઈને સંભવિત જોખમ, મોંઘવારી, બેરોજગારી, કેન્દ્રીય એજન્સીઓના કથિત દુરુપયોગનો મુદ્દો ઉઠાવશે.

કોંગ્રેસ નેતા રાહુલ ગાંધી કેમ્બ્રિજ યુનિવર્સિટીમાં દેશની ટીકા કરવાને લઈને સરકાર અને બીજેપીના નિશાના પર છે. બીજી તરફ, કોંગ્રેસ અધ્યક્ષ અને રાજ્યસભામાં વિપક્ષના નેતા મલ્લિકાર્જુન ખડગે રવિવારે ઉપરાષ્ટ્રપતિ ધનખરને મળ્યા અને કહ્યું, વિપક્ષ બજેટ સત્રના બીજા તબક્કામાં દરેક સળગતા મુદ્દા પર ચર્ચા કરવા માંગે છે. ખડગેએ એમ પણ કહ્યું કે વિરોધ પક્ષ સરકારને જવાબદાર બનાવવામાં રચનાત્મક ભૂમિકા ભજવવા માંગે છે.

રેકોર્ડ મુજબ, રાજ્યસભામાં 26 અને લોકસભામાં 9 બિલ પેન્ડિંગ છે, જેને સરકાર પાસ કરાવવા માંગે છે. આ સિવાય સરકારે ગત શિયાળુ સત્ર દરમિયાન મલ્ટી-સ્ટેટ કોઓપરેટિવ સોસાયટી (સુધારા) બિલ-2022 અને જન વિશ્વાસ (સુધારા) બિલ-2022 સંયુક્ત સમિતિને મોકલ્યા હતા. સમિતિ આ બિલોની તપાસ કરી રહી છે. સીપી જોશીની આગેવાની હેઠળની સમિતિ આ સત્રમાં જ મલ્ટી-સ્ટેટ કોઓપરેટિવ સોસાયટીઝ બિલ પર રિપોર્ટ રજૂ કરશે. સરકારે એજન્ડામાં જૈવવિવિધતા સુધારા બિલ-2021ની નોંધણી પણ કરી છે.