સોશિયલ મીડિયા પ્લેટફોર્મે સમાજમાં પરિવર્તન લાવવામાં કોઈ કસર છોડી નથી. ક્યાંકથી આવેલો મેસેજ થોડી જ ક્ષણોમાં ગમે ત્યાં પહોંચી જાય છે. એટલું જ નહીં, ઘણા લોકોને આનાથી આજીવિકા કમાવવાની ખાસ તક પણ મળી છે. હાલમાં જ સોશિયલ મીડિયા પર એક મહિલા ટ્રેન્ડ કરી રહી છે જે માત્ર વાળ ધોઈને કરોડપતિ બની ગઈ છે. તેણે એક આલીશાન ઘર પણ ખરીદ્યું છે.

એક અહેવાલ મુજબ, સ્કોટિશ મહિલા ગિયા ઓ'શૉગનેસીના સોશિયલ મીડિયા પ્લેટફોર્મ ઇન્સ્ટાગ્રામ અને ટિકટોક પર ઘણા બધા ફોલોઅર્સ છે અને આશ્ચર્યજનક વાત એ છે કે તે માત્ર વાળ ધોવાના વીડિયો બનાવીને ઘણી કમાણી કરે છે (એવરેજ રૂ. ૪ લાખ પ્રતિ. વિડિયો)  પરિણામ એ આવ્યું કે આ પછી જિયાએ નોકરી છોડી દીધી અને ફુલ ટાઈમ કન્ટેન્ટ ક્રિએટર તરીકે કામ કરવાનું શરૂ કર્યું.

એવું કહેવામાં આવી રહ્યું છે કે જિયા પર એક સમયે ૮ લાખ રૂપિયાની લોન હતી, પરંતુ તે વીડિયો પછી તેણે એટલી કમાણી કરી કે જિયાએ માત્ર ૨૯ વર્ષની ઉંમરમાં જ ૧.૮ કરોડ રૂપિયાનું આલીશાન ઘર ખરીદ્યું હતું. બે બાળકોની માતા જિયા આ દિવસોમાં ફરી સોશિયલ મીડિયા પર ટ્રેન્ડ કરી રહી છે. તેણી કહે છે કે તેને એક વીડિયો બનાવવામાં લગભગ એક કલાકનો સમય લાગે છે, પરંતુ સરેરાશ કમાણી ૪ લાખ રૂપિયા છે. હવે તે અન્ય મહિલાઓ માટે પ્રેરણાસ્ત્રોત બની ગઈ છે.