ટીવી જગતના ફેમસ શો બિગ બોસ 16ના વિજેતા એમસી સ્ટેન પોતાની જીત બાદ સોશિયલ મીડિયા પર સતત હેડલાઈન્સમાં છે. તાજેતરમાં જ એમસી સ્ટેન લાઈવ કોન્સર્ટ કરવા ઈન્દોર પહોચ્યો હતો. આ લાઈવ કોન્સર્ટમાં ચાહકોનો પણ મેળાવડો જોવા મળ્યો હતો. જો કે, કોન્સર્ટ દરમિયાન કેટલાક લોકોએ સ્ટેજ પર પહોંચીને હંગામો મચાવ્યો હતો. સમાચાર આવી રહ્યા છે કે હંગામો મચાવનારા લોકો બજરંગ દળના સભ્યો હતા.

મીડિયા રિપોર્ટ્સ અનુસાર, 17 માર્ચે ઈન્દોરમાં એમસી સ્ટેનનો લાઈવ કોન્સર્ટ યોજાઈ રહ્યો હતો, જ્યાં ચાહકોની ભારે ભીડ હતી. આ પ્રસંગે હજારો લોકો પોતાના ફેવરિટ સ્ટારની એક ઝલક મેળવવા માટે એકઠા થયા હતા. કેટલાક લોકોએ પોતાને બજરંગ દળના સભ્ય ગણાવ્યા અને મંચ પર પહોંચીને ભારે હંગામો મચાવ્યો. તેમણે કહ્યું હતું કે એમસી સ્ટેનના ગીતો ખુલ્લેઆમ મહિલાઓના દુર્વ્યવહાર અને વાંધાજનક ટીપ્પણીઓ વાળા હોય છે .


એટલું જ નહીં, તેઓએ એમ પણ કહ્યું કે એમસી સ્ટેન તેના રેપમાં ડ્રગ્સને પ્રોત્સાહન આપે છે, જેની યુવાનો પર ખૂબ જ ખરાબ અસર પડે છે. આ જોઈને કેટલાક લોકો રેપરના કોન્સર્ટમાં પહોંચી ગયા અને સ્ટેજ પર પહોંચ્યા પછી તેઓએ રેપરને ધમકી આપી છે.