કોહલી આ મેચમાં પણ ગોલ્ડન ડક (પ્રથમ બોલ પર આઉટ)નો શિકાર બન્યો હતો. તેણે એક ખૂબ જ શરમજનક રેકોર્ડ પણ પોતાના નામે કર્યો છે.

ઓપનર તરીકે ઉતરેલા કોહલીને ઈનિંગની પ્રથમ ઓવરના પહેલા બોલ પર ફાસ્ટ બોલર ટ્રેન્ટ બોલ્ટે એલબીડબ્લ્યુ આઉટ કર્યો હતો. કોહલી ઇનકમિંગ બોલ જે પેડ સાથે અથડાયો. આવી સ્થિતિમાં અમ્પાયરે આંગળી ઉંચી કરી તેને આઉટ જાહેર કર્યો હતો.  કોહલી IPL ઈતિહાસમાં સૌથી વધુ ગોલ્ડન ડક્સનો ભોગ બનનાર બીજો ભારતીય ખેલાડી બની ગયો છે. કોહલી અને ભારતના ભૂતપૂર્વ સ્પિનર ​​હરભજન સિંહ ટૂર્નામેન્ટમાં સાત-સાત વખત ગોલ્ડ ડક બની ચૂક્યા છે. વેસ્ટ ઈન્ડિઝનો સુનીલ નારાયણ પણ એટલી જ વખત ઈનિંગના પ્રથમ બોલ પર પેવેલિયન પરત ફર્યો હતો. તે જ સમયે, રાશિદ ખાન આ યાદીમાં ટોચ પર છે. તે 10 વખત ગોલ્ડ ડક રહી ચૂક્યો છે.