અમરેલી જિલ્લાના છેવાડાના તાલુકા મથક એવા વડિયાના ગ્રામીણ વિસ્તાર મોરવાડા અને આસપાસના રેવન્યુ વિસ્તારમાં છેલ્લા થોડા દિવસથી જંગલી હિંસક પશુઓ આવ્યાના સમાચાર વાયુવેગે ફેલાતા જોવા મળી રહ્યા છે. ત્યારે મોરવાડા ગામમાં એક ખેડૂતની ઘોડીના વછેરાનું મારણ કર્યાનું જોવા મળતા આ સમગ્ર વિસ્તારમાં સિંહનું ટોળુ હોવાનું સાંભળવા મળી રહ્યું છે. જોકે ભૂતકાળમાં પણ અહીં સિંહ વસાટ કરતા જોવા મળ્યા હતાં. ત્યારે હાલ મોરવાડ ગામે વછેરીનું મારણ થતાં હાલ સમગ્ર વિસ્તારમાં ખેતી સાથે જોડાયેલા લોકો પોતાના ખેતરમાં કામકાજ કરવા કે પિયત માટે જવા ડર અનુભવી રહ્યા છે. ત્યારે જંગલી પશુના મારણથી સમગ્ર વિસ્તારના ખેડૂતોમાં ભયનો માહોલ સર્જાતો જોવા મળી રહ્યો છે. વન વિભાગ દ્વારા આ બાબતે યોગ્ય તપાસ કરી જે પણ જંગલી પશુઓ હોય તેને પકડવાની તજવીજ હાથ ધરવા લોક માગણી જોવા મળી રહી છે. તો બીજી બાજુ આ જંગલી પશુની પજવણી ના થાય તે માટે પણ પર્યાવરણ પ્રેમીઓ દ્વારા જ‚રી કાર્યવાહી કરવી જ‚રી છે.