રાજકોટના નવા કોર્ટ બિલ્ડિંગ પરિસરમાં યુવા વકીલ ભાર્ગવ બોડા અને તેના મહિલા આસિસ્ટન્ટ વકીલ પર હુમલો થતા અફરાતફરી મચી ગઈ હતી. મોટી સંખ્યામાં વકીલો એકત્ર થઈ પછી અસીલને ઢીબી નાખ્યો હતો.   ઈજાગ્રસ્ત બન્ને વકીલને સારવાર માટે સિવિલ હોસ્પિટલ ખસેડાયા છે. ઘટનાને પગલે પોલીસ દોડી ગઈ છે અને તપાસ હાથ ધરી છે.

પ્રાપ્ત વિગત મુજબ રાજકોટની જામનગર રોડ સ્થિત નવી કોર્ટમાં વકીલ અને અસીલ વચ્ચે કોઈ કારણ ઝઘડો થયો હતો. બાદમાં યુવા વકીલ ભાર્ગવ બોડા અને તેના મહિલા જુનિયર વકીલને અસીલે માર માર્યો હતો. વકીલ પર હુમલો કરનાર અસીલને વકીલોએ બેફામ લમધારી પાઠ ભણાવ્યો હતો.