આરોગ્ય શાખા દ્વારા COTPA-2003 અમલીકરણ અન્વયે રેડ યોજી ૧૧ કેસો કરીને દંડ વસુલાત કરાઈ 

તમાકુ સ્વાસ્થ્ય માટે હાનિકારક છે અને લાંબા ગાળે જીવલેણ સાબિત થાય છે. તમાકુથી થતી બીમારીઓ અને નુકસાનો વિશે જાગૃતિ ફેલાવવા તેમજ તમાકુ અને ગુટખા, સિગારેટ જેવી તમાકુની પ્રોડક્ટનું સેવન ન કરવા લોકોને પ્રેરવા માટે દર વર્ષે ૩૧ મે ના રોજ વિશ્વ તમાકુ વિરોધી દિવસની ઉજવણી કરવામાં આવે છે.

​​​​​​​વર્ષની ૨૦૨૫ની થીમ "Unmasking the Appeal: Exposing Industry Tactics on Tobacco and Nicotine Products" (અપીલનો પર્દાફાશ: તમાકુ અને નિકોટિન ઉત્પાદનો પર ઉદ્યોગની યુક્તિઓનો પર્દાફાશ) છે. જે અંતર્ગત દેવભૂમિ દ્વારકા જિલ્લામાં તા.૩૧મી મે ૨૦૨૫ ના રોજ વિવિધ આરોગ્ય સેવા કેન્દ્રો પર તમાકુ મુક્ત સ્ક્રીનીંગ કેમ્પ, જાગૃતિ શિબિર, તમાકુ મુક્ત સંકલ્પ કાર્યક્રમ, જૂથ ચર્ચા વગેરેનું આયોજન કરવામાં આવ્યું હતું. 

લોકોને  તમાકુના વ્યસનથી થતા ભયાનક રોગો વિશે સમજણ આપવામાં આવેલ અને તમાકુના આ દુષણથી દુર રહેવા અપીલ કરવામાં આવી હતી. વધુમાં ‘અપીલનો પર્દાફાશ: તમાકુ અને નિકોટિન ઉત્પાદનો પર ઉદ્યોગની યુક્તિઓ- પ્રયુક્તિઓનો પર્દાફાશ’ વિષય પર જાગૃતિ ફેલાવવામાં આવી હતી.