કોઠારીયામાંથી ઈંગ્લીશ દારૂ સાથે મહિલા પકડાઈ

  • March 26, 2025 03:00 PM 
Aajkaal Daily (Desh Pardesh Ni Aajkaal)

સ્ત્રીઓ ગેરકાનૂની પ્રવૃત્તિઓમાં પણ પુરુષ સમોવડી થઇ રહી હોવાનું જોવા મળ્યું છે. કોઠારીયા રોડ પર રહેતી મહિલાના મકાનમાં પોલીસે દરોડો પાડતા વેંચાણ અર્થે રાખેલી ઈંગ્લીશ દારૂની પાંચ બોટલ મળી આવતા કબ્જે કરી મહિલાની અટકાયત કરી હતી. દારૂ અંગેની પુછપરછમાં આ દારૂ કુલદીપ ગઢવી નામના શખસએ આપ્યાનું જણાવતા પોલીસે બંને સામે ગુનો નોંધી કુલદીપની શોધખોળ હાથ ધરી છે.


ભક્તિનગર પોલીસ મથકનો સ્ટાફ પેટ્રોલીંગમાં હતો ત્યારે ચોક્કસ બાતમી મળી હતી કે, કોઠારીયા રોડ પર આશાપુરાનગર શેરી નં-12માં રહેતી મહિલા પોતાના ઘરમાં ઈંગ્લીશ દારૂ રાખી વેંચાણ કરી રહી છે, જે બાતમીના આધારે પોલીસે દરોડો પાડતા ઘરમાં છુપાવેલી દારૂની બોટલ નંગ-5 કી.રૂ.3000ની મળી આવતા કબ્જે કરી હાજર શિવાની જયદીપભાઈ ઉર્ફે જીગો પાડલીયાની અટકાયત કરી હતી. પોલીસે દારૂ ક્યાંથી આવ્યો તે અંગેની પૂછતાછ કરતા આ દારૂની બોટલ કુલદીપ ગઢવી નામનો વ્યક્તિ આપી ગયાની કબૂલાત આપતા પોલીસે કુલદીપની શોધખોળ હાથ ધરી છે.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application