દ્વારકા જિલ્લાના લોકો ટ્રાફિક પ્રત્યે વધુ જાગૃત બને અને સુરક્ષા નિયમોની અમલવારી કરે તે હેતુથી જિલ્લા ટ્રાફિક પોલીસના ઉપક્રમે ખંભાળિયામાં બોક્સ ક્રિકેટ ટુર્નામેન્ટનું આયોજન કરવામાં આવ્યું હતું. ટ્રાફિક અંગેની જાગૃતિ તેમજ પ્રજા અને પોલીસ વચ્ચેનું સમન્વય વધુ સુદ્રઢ બને તે હેતુથી દેવભૂમિ દ્વારકા જિલ્લા પોલીસ વડા નિતેશ પાંડેયના વડપણ હેઠળ ટ્રાફિક વિભાગ દ્વારા અત્રે જામનગર હાઇવે પર હાથ ધરવામાં આવેલી બોક્સ ક્રિકેટ ટુર્નામેન્ટમાં ખંભાળિયા તથા આસપાસના વિસ્તારની કુલ 12 જેટલી ટીમોએ ભાગ લીધો હતો. જેમાં પ્રિન્સ ઇલેવન ટીમએ વિજય હાંસલ કર્યો હતો. લોકજાગૃતિના અભિગમ સાથેનું આ આયોજન આવકારદાયક બની રહ્યું હતું.