વિરાટ કોહલી અને અવનીત કૌર વિશે સોશિયલ મીડિયા પર રમુજી મીમ્સ વાયરલ થઈ રહ્યા છે. વાસ્તવમાં IPL 2025 માં RCB વતી રમી રહેલા કોહલીએ સ્પષ્ટતા આપ્યા બાદ આ મીમ્સ વાયરલ થઈ રહ્યા છે. થોડા દિવસો પહેલા, લોકોએ જોયું કે કોહલીએ અવનીત કૌરના ફેન પેજ દ્વારા શેર કરાયેલ અભિનેત્રીનો ફોટો લાઈક કર્યો હતો. આ પછી તેને ટ્રોલ કરવામાં આવ્યો હતો.

આ મામલો એટલો મોટો થઈ ગયો કે વિરાટ કોહલીને પોતે આ અંગે સ્પષ્ટતા આપવી પડી. તેણે પોતાની ઇન્સ્ટાગ્રામ સ્ટોરી દ્વારા જણાવ્યું કે તેણે આ જાણી જોઈને કર્યું નથી. તેમણે લખ્યું, "હું સ્પષ્ટ કરવા માંગુ છું કે જ્યારે હું મારા ફીડને ક્લિયર કરી રહ્યો હતો, ત્યારે આકસ્મિક રીતે કોઈ ઇન્ટ્રેક્શન નોંધાઈ ગઈ. એવું લાગે છે કે આ અલ્ગોરિધમને કારણે થયું છે. આ પાછળ મારો કોઈ ઈરાદો નહોતો. હું વિનંતી કરું છું કે કોઈ બિનજરૂરી વસ્તુઓ ન બનાવવી જોઈએ. મને સમજવા બદલ આભાર."

https://x.com/socratexts/status/1918326789371208011?t=8AcmzVTL51G4S779FIqQQw&s=19

ચાહકો અલ્ગોરિધમનો મુદ્દો પચાવી શકતા નથી

વિરાટ કોહલીના સ્પષ્ટતા પછી સોશિયલ મીડિયા પર મીમ્સ વાયરલ થવા લાગ્યા, ચાહકો અલ્ગોરિધમ વિશેની તેમની વાત પચાવી શકતા નથી અને તેના વિશે મીમ્સ શેર કરી રહ્યા છે.

વિરાટ કોહલી પાસે ઓરેન્જ કેપ

શનિવારે, CSK સામે વિરાટ કોહલીએ 33 બોલમાં 5 છગ્ગા અને એટલા જ ચોગ્ગાની મદદથી 62 રનની શાનદાર ઇનિંગ રમી. આ ઇનિંગ પછી, તેણે ફરી એકવાર ઓરેન્જ કેપ જીતી. કોહલીએ ૧૧ મેચમાં ૬૩.૧૨ ની સરેરાશથી ૫૦૫ રન બનાવ્યા છે.

આ જીત સાથે રોયલ ચેલેન્જર્સ બેંગ્લોરના 16 પોઈન્ટ થઈ ગયા છે, જોકે તેઓ હજુ સુધી સત્તાવાર રીતે પ્લેઓફ માટે ક્વોલિફાય થયા નથી પરંતુ ટોપ 4 માં તેમનો પ્રવેશ લગભગ નિશ્ચિત માનવામાં

આવી શકે છે.