જેની વિગતવાર માહિતી મુજબ, ટ્રેન નં. 19120 વેરાવળ- ગાંધીનગર કેપિટલ સુપરફાસ્ટ 30.05થી 27. 06. 2025 સુધી દર શુક્રવારે અને રવિવારે વેરાવળ સ્ટેશનથી તેના નિર્ધારિત સમય 7:30 વાગ્યાને બદલે 1 કલાક 15 મિનિટ મોડી એટલે કે 8:45 વાગ્યે ઉપડશે.ટ્રેનોના સમય, સ્ટોપેજ અને સંરચના વિશેની વિગતવાર માહિતી માટે, યાત્રીઓ કૃપા કરીને www.enquiry.indianrail.gov.in ની મુલાકાત લઈ શકે છે.

29 અને 30 મે બે દિવસ રાજકોટ-ભુજ સ્પે.ટ્રેન રદ

પશ્ચિમ રેલવેના અમદાવાદ ડિવિઝન પર સામાખીયાળી- ગાંધીધામ સેક્શનના ભીમાસર સ્ટેશન પર એએફટીપીએલ સાઈડિંગની નોન-ઈન્ટરલોકિંગ કનેક્ટિવિટીના કમિશનિંગ કાર્ય માટે બે દિવસ બ્લોક લેવામાં આવનાર હોવાથી તા. 29 અને 30 મે, 2025 ના રોજ રાજકોટથી ઉપડતી ટ્રેન નંબર 09445 રાજકોટ- ભુજ સ્પેશિયલ અને ભુજથી ઉપડતી ટ્રેન નંબર 09446 ભુજ- રાજકોટ સ્પેશિયલ ટ્રેનો રદ રહેશે.