ઉપલેટા માં છેલ્લા પાંચ દિવસ થયા ભારે વરસાદ વરસી રહ્યો છે. વરસાદ ને કારણે ઉપલેટા નો મોજીરા પાસે આવેલ મોજ ડેમ ઓવરફ્લો થયો છે. ડેમ ના પાટિયા ખોલવામાં આવતા મોજ નદી જાણે કે ગાંડી તુર બની છે, જો કે આ ધસમસતા પ્રવાહ ના કારણે નદી ઉપર બનાવેલ કોઝ વે ઉપર પાણી ફરી વર્યા છે અને મસ મોટુ ગાબડું પડ્યું હોવાના અહેવાલ છે. 

કોઝ વે ઉપર ગાબડું પડતા ગઢાળા ગામ તરફ જવાનો રસ્તો બંધ થયો છે. અનેક વખત પૂર્વ સરપંચ દ્વારા કોઝ વે ઉંચો લેવા લેખિત અને મૌખિક રજુઆત કરેલ પણ તંત્ર દ્વારા કોઈજ કાર્યવાહી નહીં ધરતા ગઢાળા ગામના વૃદ્ધો દ્વારા રામધૂન બોલાવી વિરોધ કર્યો છે.