કિશાન ચોકમાં પાના ટીંચતી બે મહિલા ઝબ્બે, બે ફરાર

April 26, 2025 10:51 AM

જામજોધપુરમાં વર્લીબાઝ પોલીસની ઝપટે ચડયો

જામનગરના કિશાન ચોક વિસ્તારમાં જાહેરમાં તિનપતીનો જુગાર રમતી બે મહિલાને અટકમાં લીધી હતી જયારે બે ફરાર થઇ ગઇ હતી, ઉપરાંત જામજોધપુરમાં એક વર્લીબાઝ પોલીસની ઝપટમાં આવ્યો હતો.

કિશાન ચોક વિસ્તારમાં મહિલાઓ જુગાર રમે છે એવી હકીકત આધારે સીટી-એ ડીવીઝને દરોડો પાડી તિનપતીનો જુગાર રમતી બાવાવાડમાં રહેતી પ્રભાબેન મગનગીરી ગોસાઇ, જોશનાબેન ઉર્ફે ઉષાબેન દિનેશ કનખરાની અટકાયત કરી હતી અને રોકડ ૩૭૦ કબ્જે કર્યા હતા, જયારે બાવાવાડમાં રહેતી જીવતીબેન મણીભાઇ ગંઢા અને મીરાબેન ફરાર થઇ ગઇ હતી.

અન્ય બનાવમાં જામજોધપુરના ઘાસના ગોડાઉન પાસે રહેતા ભાવેશ ભીમા રાઠોડ નામના ઇસમને ધર્મશાળા રોડ પર જાહેરમાં વર્લી મટકાનો જુગાર રમતા રોકડા ૧૬૦ અને એક કાગળ સાથે પકડી લીધો હતો.

લાઈક અને ફોલો કરો અમારું ફેસબુક પેજ FACEBOOK - AAJKAALDAILY

ફોલો કરો અમારું ઇન્સ્ટાગ્રામ INSTAGRAM - AAJKAALDAILY

સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY

મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230

View News On Application