ઉનાળાની શરૂઆત માં જ આગના બનાવો સામે આવી રહ્યા છે. પાલીતાણા ના ડુંગર માં લાગેલી આગ મહામહેનતે કાબુમાં આવી હતી. દરમ્યાનમાં સિહોર શહેરમાં બે અલગ અલગ સ્થળો ઉપર આગની ઘટના બની હતું. આગની પ્રથમ ઘટનામાં શેલ પેટ્રોલપંપ ની પાછળ આવેલ બંધ ગોડાઉનમાં પ્લાસ્ટિક ના ઢગલામાં આગ લાગતા ધુંમાડાના ગોટેગોટા દૂર સુધી જોવા મળતા લોકોમાં ભયનો માહોલ છવાયો હતો. આગની જાણ થતાં ફાયર વિભાગે  દોડી જઈ આગને કાબુમાં લીધી હતી.  જ્યારે જી.આઈ.ડી.સી ૪, બાબા એગ્રીકો મિલની પાછળના ભાગમાં ખુલ્લા ઘાસમાં આગ ભભુકતા ફાયર વિભાગ દ્વારા એક કલાક ની જહેમત બાદ આગ કાબુમાં લીધી હતી.