ગોંડલ બી ડિવિઝન પોલીસ મથકના સ્ટાફે અહીં આશાપુરા ચોકડી પાસે દારૂ  ભરેલી ફોર્ડ ફીએસ્ટા કાર ઝડપી લીધી હતી.પોલીસે કારમાંથી ૧.૦૨ લાખની કિંમતા ૫૧૦ લીટર દેશીદારૂ ના જથ્થા સાથે બે શખસોને ઝડપી લીધા હતાં.જેમની પુછતાછ કરતા દારૂ  સપ્યાલ કરનાર તરીકે જુનાગઢના શખસનું નામ ખુલ્યું હતું.પોલીસે દાનો આ જથ્થો અને કાર સહિત .૩.૦૪ લાખનો મુદામાલ કબજે કરી જુનાગઢના શખસને ઝડપી લેવા તપાસ હાથ ધરી છે.
દારૂ ના આ દરોડાની જાણવા મળતી વિગતો મુજબ, ગોંડલ બી ડિવિઝન પોલીસ મથકનો સ્ટાફ પેટ્રોલીંગમાં હતો દરમિયાન અહીં નેશનલ હાઇવે પર આશાપુરા ચોકડી પાસે શંકાસ્પદ હાલતમાં પસાર થઇ રહેલી ફોર્ડ ફિએસ્ટા કાર ન.ં જીજે ૧૦ એસી ૯૫૦૦ ને અટકાવી હતી.પોલીસે કારની તલાશી લેતા તેમાંથી તેમાંથી ૫૧૦ લીટર દેશી દારૂ નો જથ્થો મળી આવ્યો હતો.જેથી પોલીસે કારમાં સવાર ઇમ્તીયાઝ અબ્દુલભાઇ સમા(ઉ.વ ૩૩), ભાવિક ઉર્ફે લીઝત અમૃતલાલ વરમોરા(ઉ.વ ૩૩ રહે બંને જુનાગઢ) ને ઝડપી લીધા હતાં.
પોલીસે દારૂ નો આ જથ્થો કાર અને મોબાઇલ સહિત કુલ .૩,૦૪,૧૦૦ નો મુદામાલ કબજે કર્યેા હતો.આ શખસોની પુછતાછ કરતા દારૂ નો આ જથ્થો આપનાર તરીકે જુનાગઢમાં રહેતા કારા દેવાભાઇ મોરીનું નામ ખુલતા પોલીસે ત્રણેય આરોપીઓ સામે પ્રોહિબિશન એકટની કલમ હેઠળ ગુનો નોંધી જુનાગઢના શખસને ઝડપી લેવા તપાસ હાથ ધરી છે.