ધોલેરા-વટામણ રોડ પર પીપળી ગામ નજીક આજે પુરપાટ ઝડપે જઇ રહેલા બે ટ્રક ધડાકાભેર અથડાતાં ટ્રકમાં સવાર ત્રણ લોકોને ગંભીર ઇજાઓ થતાં ઘટના સ્થળે જ મોત નિપજયા હતાં. ઘટનાની જાણ થતા ધંધુકા અને વટામણ સહિતની ૧૦૮ અને પોલીસ કાફલો દોડી ગયો હતો. ટ્રક અને ટ્રકમાં ફસાયેલા મૃતદેહોને બહાર કાઢી પોસ્ટમોર્ટમ અર્થે ખસેડવા તેમજ મૃતકોની ઓળખવિધિ સહિતની કાર્યવાહી હાથ ધરી હતી. જેમાં સ્થળ પર જ મૃત્યુ પામેલાઓમાં બાલાભાઇ ભરતભાઇ રાઠોડ (ઉ.વ.૪પ રહે. રામનાથ, જુના સિહોર જિ.ભાવનગર), ધિ‚ભાઇ રતનજી પરમાર (ઉ.વ.૩૭, રહે. કાજાવદર તા. સિહોર જિ.ભાવનગર) તેમજ બનસ્વ‚પન રામલખન મહેતા (ઉ.વ.૬૬ રહે. બિહાર) હોવાનું ખુલ્યું હતું. અકસ્માત એટલો જોરદાર હતો કે બન્ને ટ્રકના ફુરચા ઉડ્યા હતાં. ઘટના અંગે પોલીસે અકસ્માતનો ગુન્હો નોંધી આગળની કાર્યવાહી હાથ ધરી છે. અકસ્માત સર્જાતા ધોલેરા વટામણ રોડ પર બન્ને સાઇડ ટ્રાફિકજામ સર્જાયો હતો અને વાહનોની લાંબી કતારો લાગી હતી જો કે પોલીસે સત્વરે અકસ્માતગ્રસ્ત ટ્રકોને ખસેડી ટ્રાફિકને પુર્વત કર્યો હતો.