કરમદા ખાટુ ફળ છે, જે લાલ અને સફેદ રંગના હોય છે. જેને  અથાણાં અને ચટણી બનાવીને ખાવામાં ખૂબ જ સારા લાગે છે. કરમદામાં આયર્ન, કેલ્શિયમ, પોટેશિયમ અને ઝિંક જેવા પોષક તત્વો હોય છે. જે શરીરને સ્વસ્થ રાખે છે. વિટામિન સીથી ભરપૂર કરમદા પેટથી લઈને હૃદય સુધી સ્વાસ્થ્યને સ્વસ્થ રાખે છે. જો એક મહિના સુધી તેનું સેવન કરવામાં આવે તો વજન સરળતાથી ઘટાડી શકાય છે.

કરમદાનું સેવન તેના પોષક તત્વોને ધ્યાનમાં રાખીને કરવું જોઈએ. કરમદામાં ઔષધીય ગુણો છે. જે રોગપ્રતિકારક શક્તિને મજબૂત બનાવે છે. આ ફળના મૂળ, પાન અને ફળ બધું જ સ્વાસ્થ્ય માટે ઉપયોગી છે. જેનો ઉપયોગ અનેક પ્રકારની સમસ્યાઓ દૂર કરવા માટે થાય છે.

કરમદા ફળને પોષક તત્વોનું પાવર હાઉસ પણ કહેવામાં આવે છે. આ ફળ આવશ્યક વિટામિન્સથી ભરપૂર છે, તેમાં વિટામિન એ, વિટામિન બી, કેલ્શિયમ ફોસ્ફરસ અને આયર્ન હોય છે. આ ફળ આંખ દ્રષ્ટિને સુધારે છે અને હાડકાંને મજબૂત બનાવે છે.

વિટામિન સીનો સ્ત્રોત

કરમદા ફળ વિટામિન સીનો શક્તિશાળી સ્ત્રોત છે. જે રોગપ્રતિકારક શક્તિને મજબૂત બનાવે છે. તેનું સેવન ઇન્ફેક્શનથી બચાવે છે અને શરીરને સ્વસ્થ રાખે છે. કરમદા વર્ષમાં માત્ર 1 કે 2 મહિના માટે જ મળે છે.