આજકાલના વુમન્સ પાવર એવોર્ડમાં આભાર વિધિ કરતા જામનગર આજકાલના નિવાસી તંત્રી તારીક ફા‚ક (પપ્પુખાન)એ જણાવ્યું હતું કે, અમારા એમ.ડી. ચંદ્રેશભાઇ જેઠાણીના જણાવ્યા મુજબ આગામી વર્ષે એક મોટા મંચ પર નારી સન્માનનો કાર્યક્રમ યોજાશે, જિલ્લા કલેકટર વિશે બોલતા તેઓએ કહ્યું હતું કે, નવનિયુક્ત કલેકટર કેતનભાઇ ઠક્કર જામનગરમાં જુદા જુદા હોદ્દા પર ફરજ બજાવી ચૂક્યા છે, તે જિલ્લાના રાજા છે ત્યારે તેમના કાર્યકાળમાં જે ખોટ રહી ગઇ છે તે પૂરી થશે, આજના આ કાર્યક્રમમાં અમોને અમારા એમ.ડી. ચંદ્રેશભાઇ જેઠાણી અને ગ્રુપ એડીટર કાનાભાઇ બાંટવાનો ખૂબ સરસ માર્ગદર્શન મળ્યું છે, અમે પ્રથમ વર્ષે પ્રતિભાશાળી મહિલાઓનું સન્માન કર્યું હતું, આજના જમાનામાં નારી વિના કંઇ શક્ય નથી, જો દુ:ખદ ઘટના બને છે ત્યારે તમામ બાબતોને ભૂલી જઇને આપણી નારી શક્તિ વધુ વિશ્ર્વાસથી આગળ વધે છે. આજના આ કાર્યક્રમમાં પધારેલ તમામ મહાનુભાવો અને જે મહિલાઓને એવોર્ડ મળ્યા છે તેમનું હું સ્વાગત કરી આભાર વ્યક્ત કરૂ છું.