નારાયણગઢમાં રેલી દરમિયાન રાહુલ ગાંધીએ અદાણી અને અંબાણી પર નિશાન સાધ્યું હતું. તેમણે કહ્યું કે અદાણી ખેતરોમાં મહેનત કરતા નથી, કોઈ નાનો ધંધો કરતા નથી પરંતુ દરરોજ સવારે સુનામીની જેમ તેમના બેંક ખાતામાં પૈસા આવી રહ્યા છે. જેટલા પૈસા તેમના ખાતામાં સુનામીની જેમ પ્રવેશી રહ્યા છે એટલી જ રકમ તમારા બેંક ખાતામાંથી તોફાનની જેમ નીકળી રહી છે.

રાહુલે કહ્યું, 'આ મોદીજીની સરકાર નથી પરંતુ અદાણીની સરકાર છે. હરિયાણામાં અદાણી સરકારની જરૂર નથી. રાહુલે પોતાના ભાષણમાં રાજ્યમાં બેરોજગારીનો મુદ્દો પણ ઉઠાવ્યો હતો. તેમણે કહ્યું કે આ કારણોસર રાજ્યના યુવાનો 50-50 લાખ રૂપિયા ચૂકવીને પોતાનો જીવ જોખમમાં મૂકીને વિદેશ જઈ રહ્યા છે. ખેડૂતો પર બોલતા તેમણે કહ્યું કે મોદી સરકાર કાયદો બનાવે છે અને કહે છે કે કાયદા ખેડૂતો માટે બનાવ્યા છે, જો ખેડૂતો માટે છે તો ખેડૂતો શા માટે વારંવાર રસ્તા પર ઉતરે છે.