અરશદ નદીમ એક એવું નામ જે ગઈ રાતથી દરેકના હોઠ પર છે. પાકિસ્તાનના અરશદ નદીમે ભાલા ફેંક ઈવેન્ટમાં ગોલ્ડ મેડલ જીતીને ઓલિમ્પિકમાં અનોખો રેકોર્ડ બનાવ્યો છે. તેણે 92.97 મીટર બરછી ફેંકી હતી.
આ પહેલા નોર્વેના એથ્લેટ થોર્કિલ્ડસેન એન્ડ્રીસે 2008માં બેઈજિંગ ઓલિમ્પિકમાં 90.57 મીટરનો રેકોર્ડ બનાવ્યો હતો. હવે નદીમે આ રેકોર્ડ તોડીને ઈતિહાસ રચી દીધો છે. પાકિસ્તાનના ઈતિહાસમાં આ પહેલો પ્રસંગ હતો જ્યારે કોઈ એથ્લેટે ઓલિમ્પિકમાં વ્યક્તિગત ઈવેન્ટમાં ગોલ્ડ મેડલ જીત્યો હોય.
પેરિસ ઓલિમ્પિકમાં ગોલ્ડ મેડલ જીતનાર અરશદ નદીમ કોણ છે?
ભાલા ફેંકનાર 27 વર્ષીય અરશદ નદીમ પાકિસ્તાની ખેલાડી છે, જેણે ભાલા ફેંક ઈવેન્ટની ફાઇનલમાં ગોલ્ડ મેડલ જીત્યો છે. ગોલ્ડ મેડલ જીત્યા બાદ અરશદની દરેક જગ્યાએ પ્રશંસા થઈ રહી છે, પરંતુ લોકો તેના જીવનના વાસ્તવિક સંઘર્ષની કહાની વિશે અજાણ છે.
અરશદ નદીમના પિતા મુહમ્મદ અશરફ મજૂર છે. તેની પાસે ઘરનો ખર્ચ અને નદીમની ટ્રેનિંગ બંનેને પહોંચી વળવા માટે પૂરતા પૈસા ન હતા. તેમના પિતાએ કહ્યું હતું કે લોકોને ખબર નથી કે અરશદ અહીં કેવી રીતે પહોંચ્યો. કેવી રીતે તેમના ગામલોકોએ તેમની કારકિર્દીની શરૂઆતમાં ભંડોળ એકત્ર કરીને તેમને તાલીમ આપવામાં અને વિવિધ સ્થળોએ મુસાફરી કરવામાં મદદ કરી. નદીમને પેરિસ ઓલિમ્પિકમાં મોકલવા માટે તેના આખા ગામે તેની તાલીમ માટે પૈસા ભેગા કર્યા હતા. આર્થિક તંગીના કારણે અરશદને ઘણા વર્ષો સુધી આંતરરાષ્ટ્રીય કક્ષાનો નવો ભાલો ખરીદી શક્યો ન હતો અને જૂના ક્ષતિગ્રસ્ત ભાલા સાથે પ્રેક્ટિસ કરતો રહ્યો.
અરશદ નદીમનું કરિયર
પાકિસ્તાનના અરશદ નદીમ ટોક્યો 2020 ઓલિમ્પિકમાં પુરુષોની ભાલા ફેંક સ્પર્ધામાં 86.62 મીટરના થ્રો સાથે પાંચમા સ્થાને રહ્યો હતો. અગાઉ નદીમનો કારકિર્દીનો સર્વશ્રેષ્ઠ થ્રો 90.18 મીટર હતો, જેના કારણે તે 90 મીટરનો આંકડો પાર કરનાર પ્રથમ એશિયન બન્યો હતો.
વર્ષ 2015 માં નદીમે ભાલા ફેંકની ઈવેન્ટ્સમાં ભાગ લેવાનું શરૂ કર્યું અને ખૂબ જ ઓછા સમયમાં તેણે પોતાની છાપ છોડી દીધી. 2016 માં ગુવાહાટી, ભારતમાં દક્ષિણ એશિયન ગેમ્સમાં 78.33 મીટરના રાષ્ટ્રીય રેકોર્ડ થ્રો સાથે બ્રોન્ઝ મેડલ જીત્યો હતો.
આ પછી નદીમે 2019 વર્લ્ડ એથ્લેટિક્સ ચેમ્પિયનશિપ, દોહા, કતારમાં પોતાની ક્ષમતા સાબિત કરી હતી. શાળાના બાળકથી લઈને, પેરિસ ઓલિમ્પિક્સ 2024માં પુરુષોની ભાલા ફેંકની ઇવેન્ટમાં અરશદ નદીમે 92.97 મીટરના રેકોર્ડ-બ્રેકિંગ થ્રો સાથે ગોલ્ડ મેડલ જીત્યો છે. ઓલિમ્પિક ચેમ્પિયન બનવા સુધી, નદીમની વાર્તા સાબિત કરે છે કે વ્યક્તિ સખત મહેનત અને સમર્પણ સાથે કંઈપણ હાંસલ કરી શકે છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationરાજકોટ TRP અગ્નિકાંડ બાદ મનપાના વધુ એક અધિકારી ACBના સકંજામાં, 75 લાખની અપ્રમાણસર મિલકતનો ખુલાસો
April 02, 2025 08:49 PMગુજરાતમાં કાળઝાળ ગરમી: સુરેન્દ્રનગર સૌથી ગરમ શહેર, હવામાન વિભાગની હીટવેવની આગાહી
April 02, 2025 08:40 PMડીસા બ્લાસ્ટ કેસ: સરકાર દ્વારા કમિટીની રચના, 15 દિવસમાં રિપોર્ટ સોંપશે
April 02, 2025 07:48 PMઈદ પર એટલા ગોલગપ્પા ખાધા કે 213 બાંગ્લાદેશી હોસ્પિટલમાં દાખલ થયા, 14ની હાલત ગંભીર
April 02, 2025 07:41 PMCopyright © 2023-2024 Aajkaal Daily
Developed by Rhythm Infotech